入圍港姐又一批 Nicole唔認係蒲精 關楓馨過關冇壓力

·2 分鐘文章
關楓馨便服打扮配波鞋去整頭,最緊要自在。
關楓馨便服打扮配波鞋去整頭,最緊要自在。

入圍港姐昨日繼續分批到銅鑼灣及又一城的髮型屋「變髮」,當中關禮傑女兒關楓馨(Fabienne)順利晉級現身「整頭」, 講到身為星二代可有壓力?她說:「唔會特別有壓力,會盡力做好本分,平常心。」相反另一位星二代、麥翠嫻女兒龔敏晴(Victoria)則未見影蹤。麥翠嫻接受電話訪問時直認女兒未接到通知,她說:「囡囡冇失望,只係好奇想見識吓。(搵其他途徑入行?)佢有正職,亦唔需佢繼承我衣缽。」

其他入圍佳麗包括「翻版吳謹言」王婳婳、「大鼻馮盈盈」余詠童 、伍韻婷(Juliana)、莫韻諰(Vincy)、盧淑儀等。Vincy被問到社交網上的性感「趷籮」泳裝照可會影響選美?她說:「性感相唔係好多,自己好鍾意運動、沙排、滑水,都係擺吓甫士同朋友影吓相,絕對唔係賣弄性感。」

「林作系列」全出局

Juliana在髮型屋坐足6個鐘,笑謂腰骨痛,她說:「第一次去salon漂染,喺美國都係自己上網學剪頭髮。」而馬嘉希(Nicole)更坐足7個半鐘,由紅髮染成深啡色頭髮,她透露經常染髮,紅、藍及紫也試過,雖然外表甚有「蒲味」,但她自稱不愛夜蒲。

此外,林作媽契女、之前由裕美陪同去第2輪面試的Bronte同樣落選,林作回覆:「我媽提名,不是我提名,我心水係Kirsten(東涌羅浩楷),明顯地,我同我老母對女嘅眼光唔一樣。」

Nicole坐足7個半鐘變髮。
Nicole坐足7個半鐘變髮。
入圍佳麗盧淑儀,與前港姐冠軍撞名。
入圍佳麗盧淑儀,與前港姐冠軍撞名。
Vincy否認社交網的日常照賣弄性感。
Vincy否認社交網的日常照賣弄性感。
Juliana透露曾上網學剪髮。
Juliana透露曾上網學剪髮。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能