內地演員出演網絡電影 集《新精武門1991》、《功夫》、《龍虎門》於一身被轟?

·2 分鐘文章
內地翻拍《新精武門1991》
內地翻拍《新精武門1991》

相信唔少人都係睇周星馳嘅電影作品大,其影響力相當深遠,更引嚟各方面翻拍向其「致敬」,中國內地早前就拍攝咗一套網絡電影《新精武門:武魂》,似足由周星馳、鍾鎮濤、張敏等人主演嘅喜劇功夫片《新精武門1991》,但又模仿《功夫》、《龍虎門》嘅經典場面,搞到功夫片變得奇奇怪怪。

《新精武門:武魂》保留《新精武門1991》角色姓名劉晶、霍敏,故事主線同時圍繞劉晶拜師霍家拳館,搵嚟內地演員陳冠英與姜萌軒飾演男、女主角,以及張春、杜玉明、徐少強、張荻等演員演出。劇情講述具有天生神力嘅劉晶(陳冠英飾)無意捲入一場黑幫紛爭,路見不平下救咗霍敏(姜萌軒飾)及其師弟瀟灑(孫迅飾),霍敏為報恩將佢帶到霍家拳館跟霍師傅學武,之後開展一場決戰。

《新精武門:武魂》喺角色與故事上借鑒《新精武門1991》,但入面好多功夫絕技都似足《功夫》、《龍虎門》,似係將三套電影混合埋一齊,有網民仲質疑劇組到底有無向《新精武門1991》買版權。《新精武門:武魂》動作場面用上特效處理,令唔少觀眾都話動作唔到位又無真實感,加上陳冠英、姜萌軒年齡比起當年周星馳與張敏更細個,又擁有一張網紅臉,令人更加難代入角色。

《新精武門:武魂》海報
《新精武門:武魂》海報
《新精武門:武魂》陳冠英
《新精武門:武魂》陳冠英
《新精武門:武魂》陳冠英
《新精武門:武魂》陳冠英
《新精武門:武魂》陳冠英
《新精武門:武魂》陳冠英
女主角姜萌軒
女主角姜萌軒
《新精武門1991》
《新精武門1991》
《新精武門1991》
《新精武門1991》

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能