雅虎香港新聞 【全民造星】10強美國訓練之旅有笑有淚！大爆Ian、細貓、姜濤肥仔變鮮肉！
《全民造星》唔經唔覺就陪咗大家3個月，話咁快嚟緊嗰個星期日就進行決賽，唔知你嘅心水又會唔會贏呢？喺決賽之前10強參賽者就專程去到美國進行特訓，務求將最好嘅一面帶比大家，唔知喺美國期間又有咩趣事同有咩料爆呢？
10個男仔去到美國跟國際星級排舞師Travis Payne進行特訓，唔知對於無任何跳舞底子嘅龍志權同Ian嚟講會唔會係一個超級大挑戰呢？
Travis老師一見面就叫每個人solo跳一次比佢睇，有跳舞底嘅freestyle當然輕鬆啦，但無任何底子嘅都唯有頂硬上！
為期5日嘅訓練相當辛苦，就連跳舞超勁嘅Lokman同肥仔都有啲感到吃力！
但努力同汗水係唔會白費嘅，Travis老師大讚10子之間嘅動作同默契都飛躍進步，更加叮囑佢哋要加緊訓練，決賽定必會令大家眼前一亮！
仲記唔記喺淘汰賽入面三兄弟Lokman、阿Dee同Alton話佢哋嘅願望係可以一齊去美國呢？但最終都未能圓夢，得Lokman一個可以晉身決賽。但原來故事未完！！！
為咗俾個驚喜好兄弟Lokman，計仔多多嘅阿Dee同Alton就專程飛到美國決定同佢一齊圓夢！
為咗要成事，花姐就夾埋其他人上演咗一場大龍鳳：同Ian炒大鑊！
出名好人嘅Lokman被蒙在鼓裡出手勸交，正當佢出屋外勸交之際，阿Dee同Alton就突然亂入，真係sweet到爆呀！
最終三兄弟成功圓夢，仲去到美國街頭嚟返場freestyle，一齊跳Locking！
走出亞洲去到美國，當然唔少得旅遊觀光同打卡影靚相啦！
淨係企喺啲樹前面都可以影一大輪！Chok住影又有！
搞鬼影相都有！
當然唔少得超多張自拍啦！
喺美國期間適逢係花姐同Jeremy生日，成班人仲一齊慶祝佢哋生日，真係超級warm呀！
姜濤由200磅肥仔減肥變到今時今日小鮮肉嘅故事大家可能已經聽過無數次，但肥仔變鮮肉唔淨止得姜濤一個！原來細貓同Ian以前都係肥仔嚟㗎！
公認靚仔標致嘅細貓細個嘅時候都係肥仔一名，咁究竟係咩驅使佢減肥呢？原來係因為失戀呀，佢自爆因為失戀要「活得比你好」，所以當時下定決心減肥，誓要擺脫肥仔稱號！
唔好睇Ian依家係小鮮肉，因為佢以前都相當有肉㗎，不過呢都仲係咁可愛！
前往瀏覽完整內容:
【全民造星】10強美國訓練之旅有笑有淚！大爆Ian、細貓、姜濤肥仔變鮮肉！
更多相關報導:
【女版全民造星？】廣告女皇參賽者IG大起底！性感、清純、可愛樣樣齊！
