【全民造星3】決賽點評 折骨Ben贏冠軍唔算爆冷 全晚MVP係呢位!

·6 分鐘文章
【全民造星3】決賽點評 折骨Ben贏冠軍唔算爆冷 全晚MVP係呢位!
【全民造星3】決賽點評 折骨Ben贏冠軍唔算爆冷 全晚MVP係呢位!
【全民造星3】決賽點評 折骨Ben贏冠軍唔算爆冷 全晚MVP係呢位!
【全民造星3】第一個個人項目評判分數
【全民造星3】決賽點評 折骨Ben贏冠軍唔算爆冷 全晚MVP係呢位!
【全民造星3】第一回合連同舞蹈對決,陳葦璇領先

《全民造星3》隨住決賽完成而曲終人散,唔少觀眾認為賽果出人意表,前段獲得3成幾觀眾投票嘅Cloud(雲浩影)竟然最終三甲不入。而三甲人選竟然同分,要靠觀眾投票分高下,結果由演出突破但不被睇好嘅Ben(趙祥誠)贏得冠軍﹐力壓另一大熱人馬陳葦璇,以及向來深受中女愛戴嘅AnsonBean。十強喺決賽到底表現成點?我地根據最終排名回顧一下︰

第10名-NY

【全民造星3】決賽點評 折骨Ben贏冠軍唔算爆冷 全晚MVP係呢位!
【全民造星3】決賽點評 折骨Ben贏冠軍唔算爆冷 全晚MVP係呢位!

NY嘅由三十強嘅最後團隊演出著裙上陣、二十強嘅《玻璃動物園》,到決賽嘅2個項目都係以視覺行先,舞步同壓台感唔錯,但係音準咬字依然係死穴,第二首Walk On Water更加慘不忍睹,敬陪末席都係理所當然。

第9名-Kimman

【全民造星3】決賽點評 折骨Ben贏冠軍唔算爆冷 全晚MVP係呢位!
【全民造星3】決賽點評 折骨Ben贏冠軍唔算爆冷 全晚MVP係呢位!

向來形象斯文嘅黃劍文,一路走來力求突破,決賽延續搖滾曲風唱出莫文蔚《愛》,第二個表演又拍住B組隊友方方邊跳邊唱,表現唔錯但未算搶眼,落力但仍然搣唔甩「民謠歌手」味道,而且評判分數方面只係得倒數第二,最終以第9名完成賽事。

第8名 - CY

【全民造星3】決賽點評 折骨Ben贏冠軍唔算爆冷 全晚MVP係呢位!
【全民造星3】決賽點評 折骨Ben贏冠軍唔算爆冷 全晚MVP係呢位!

「神經刀」爆冷入十強,CY歌聲上嘅潛質優厚,決賽揀陳奕迅《讓我留在你身邊》同Mr.《如果我是陳奕迅》亦好啱佢嘅聲底,整體表現穩陣過關,不過同評判之一嘅ViuTV高層金廣誠 chit chat之際寸咗對方一吓,可能因此影響評判分數。值得一提係,CY喺觀眾投票排第5,扳回唔少分數,幾出人意表。

第7名 - Alina

【全民造星3】決賽點評 折骨Ben贏冠軍唔算爆冷 全晚MVP係呢位!
【全民造星3】決賽點評 折骨Ben贏冠軍唔算爆冷 全晚MVP係呢位!

越來越識得喺表演運用女性嫵媚做賣點嘅Alina,第一個項目《你敢我就敢》造型同舞蹈無得輸,連吳若希都話「身邊幾個男人一齊哇咗3次」!可惜唱功配合唔到,而第2項目同Manson合演嘅《這麼遠 那麼近》唱得有啲混亂,如果演出細節做得更好的話成績應該不止於此。

第6名 - KLAU

【全民造星3】決賽點評 折骨Ben贏冠軍唔算爆冷 全晚MVP係呢位!
【全民造星3】決賽點評 折骨Ben贏冠軍唔算爆冷 全晚MVP係呢位!

好希望演出自己作品嘅KLAU,第一個項目將GD嘅《Good boy》加入自己嘅rap詞,加埋指定團體舞蹈表現出色,評判分數排第3。第二項目連同3位3屆《造星》參加者合唱《發現號》就有啲奇怪,無法將KLAU嘅優點展現,加上觀眾投票拉低成績而五甲不入,似乎點樣令自己更有觀眾緣係KLAU需要考慮嘅一點。

第5名-Mischa

【全民造星3】決賽點評 折骨Ben贏冠軍唔算爆冷 全晚MVP係呢位!
【全民造星3】決賽點評 折骨Ben贏冠軍唔算爆冷 全晚MVP係呢位!

上一回合揀音樂劇歌曲盡顯Mischa多年聲樂訓練嘅功架,決賽以2首自己作品應戰,保持一貫水準但未能留下深刻印象。第二首歌《浸浴》嘅晚裝紗裙,同埋中間歌曲變奏之際企起身離開鋼琴嗰下,幾配合成個畫面。

第4名 - Cloud

【全民造星3】決賽點評 折骨Ben贏冠軍唔算爆冷 全晚MVP係呢位!
【全民造星3】決賽點評 折骨Ben贏冠軍唔算爆冷 全晚MVP係呢位!

觀眾投票第一嘅大熱「雲姨」三甲不入,跌晒眼鏡。第一首歌Love Never Felt So Good 如果有現場觀眾一齊拍和應該會對分數有幫助。向來跳舞唔係「雲姨」強項,呢part佢嘅得分排尾2。最後唱《彳亍》就因為高音失準而扣唔少分,結果喺評判得分方面排第7,變成梗頸四。

季軍 - AnsonBean

【全民造星3】決賽點評 折骨Ben贏冠軍唔算爆冷 全晚MVP係呢位!
【全民造星3】決賽點評 折骨Ben贏冠軍唔算爆冷 全晚MVP係呢位!

三甲雖然同分,但AnsonBean嘅評判得分係最高,畢竟現場睇佢嘅表演,又真係幾體會到嗰種感染力。兩個演出都展現到AnsonBean嘅舞台魅力,如果投票方面排高一級(最終排第4),分分鐘已經係實至名歸嘅冠軍。

亞軍 - 陳葦璇

【全民造星3】決賽點評 折骨Ben贏冠軍唔算爆冷 全晚MVP係呢位!
【全民造星3】決賽點評 折骨Ben贏冠軍唔算爆冷 全晚MVP係呢位!

陳葦璇第一回合揀咗多首Jennifer Lopez嘅歌曲,反而令人先入為主,比起「蘿霸」嘅力量同風韻點都爭些少。第二回合首次獨唱慢歌《願》,向高難度挑戰結果真係有幾個高音位去唔到。假如選曲上保險少少,「陳生」贏面唔細。

冠軍 - Ben

【全民造星3】決賽點評 折骨Ben贏冠軍唔算爆冷 全晚MVP係呢位!
【全民造星3】決賽點評 折骨Ben贏冠軍唔算爆冷 全晚MVP係呢位!

估唔到第一個項目會係唱歌,揀林宥嘉嘅《想自由》明顯係知道自己聲底似原唱;而第二個項目再將折骨舞配合故事玩得出神入化,不過都係上一輪入十強嘅《恐怖片》精采啲。Ben贏在揀咗難度合適嘅演出,同埋觀眾緣……咪即係藝人其中兩項跑出嘅條件囉。

全晚MVP - 司儀強尼

【全民造星3】決賽點評 折骨Ben贏冠軍唔算爆冷 全晚MVP係呢位!
【全民造星3】決賽點評 折骨Ben贏冠軍唔算爆冷 全晚MVP係呢位!

《全民造星3》由最後一round團體演出賽之後,聲勢高峰過晒,決賽各人嘅表演只可以話係合格收貨,對比起前幾round嘅BL故事《我們》、團體合唱《還不夠遠》甚至以喜劇演繹《好人》嘅演出,水準爭得幾多下。尋晚最好睇嘅係第三次獨挑大樑嘅司儀強尼,勁在多次執生成功,當CY同金廣誠嘅對話搭唔上咀,強尼就叫CY介紹下個參賽者解圍;因為技術問題下個項目未能進行,強尼立即同評判Stephy傾兩句拖延時間。成晚強尼嘅表現絕對拍得住「金牌司儀」水準。

【全民造星3】決賽點評 折骨Ben贏冠軍唔算爆冷 全晚MVP係呢位!
【全民造星3】決賽點評 折骨Ben贏冠軍唔算爆冷 全晚MVP係呢位!