全民造星4|《前傳》MV首部曲走日本校園風 方方企C位惹大細超之嫌

·2 分鐘文章
《全民造星IV》主題曲 《前傳》MV 2021夏の首部曲:造星の駅(影片截圖)
《全民造星IV》主題曲 《前傳》MV 2021夏の首部曲:造星の駅(影片截圖)

ViuTV選秀節目《全民造星》成功打造出人氣男團MIRROR同ERROR,節目話咁快就嚟到第四季,今屆最大特色就係全女班,節目將於11月1日開播。今次《全民造星IV》主題曲《前傳》MV以《2021夏の三部曲》為主題,分別有「造星の駅」、「女團の駅」和「始発の駅」,而首部曲「造星の駅」MV已經喺日前公開,雖然網民反應不俗,不過就惹嚟「大細超」之嫌。

「2021夏の首部曲:造星の駅」MV於香港獅子山公園棒球場取景,約三分之一參賽者登場,而女參賽者們均穿上日系風格嘅校服,整體感覺充滿日本校園風,唔少網民都大讚拍得好好、感覺非常熱血、估唔到香港都可以拍到呢個風格及好期待下一部曲。

相信大家都知道有幾位《造星3》嘅參賽者翻炒參加《造星4》,而方方(方芷欣)就係其中一個,佢喺首部曲MV有唔少大頭鏡頭,出鏡機會被其他參賽者多,而且仲要企「C位」領舞。雖然佢舞功了得,不過唔少網民就認為有「大細超」之嫌,MV導演Himtos係方方男友Tank嘅好兄弟,所以認為佢有偏幫「阿嫂」之嫌,更紛紛留言話:「又有方方 佢都唔唱得 跳舞啦」、「唔想再見到方方。。。仲要咁多大頭。。。」、「​​我淨係覺得好大細超,影黎影去都係果個,睇過既明就明」及「Center位點選出來?未比賽就揀哂C位 會不會對唔出名的素人唔公平?」等等。

下兩部嘅MV將會分別於今個月17日及24日發布,唔知到時MV嘅風格會唔會令網民驚喜呢?

《全民造星IV》主題曲 《前傳》MV 2021夏の首部曲:造星の駅(影片截圖)
《全民造星IV》主題曲 《前傳》MV 2021夏の首部曲:造星の駅(影片截圖)
《全民造星IV》主題曲 《前傳》MV 2021夏の首部曲:造星の駅(影片截圖)
《全民造星IV》主題曲 《前傳》MV 2021夏の首部曲:造星の駅(影片截圖)
《全民造星IV》主題曲 《前傳》MV 2021夏の首部曲:造星の駅(影片截圖)
《全民造星IV》主題曲 《前傳》MV 2021夏の首部曲:造星の駅(影片截圖)

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能