全球最長空中單車徑 廈門登場

講起以單車作為日常交通工具，大家可能會諗起荷蘭、丹麥呢啲北歐國家，至於大陸，大家嘅印象都應該係混亂同危險。不過因為共享單車嘅興起，大陸每個城市嘅單車數目與日俱增，剩係講北京，原來全市有成900萬架單車！面對城市大量單車，當然幾十年前規劃嘅單車徑根本唔足以應付，面對呢個問題，反而福建省廈門市走得最前，開通咗一條全球最長嘅「單車天橋」，可以獨立行走半空，避開汽車及行人！呢條天橋全長7.6公里，貫通全城嘅商業區及市中心民區，闊度5米，可以同時容納2,000架單車，其中有11個地鐵連接出口、2個巴士出口。天橋上面另有單車停泊處，當然仲有共享單車出租點。即係話市民可以坐完地鐵，再直接上天橋租借單車，踩去另外嘅地點。呢條天橋原來都係出自單車強國丹麥之手，由設計至完工只用咗6個月時間，佢地喺丹麥本土都有類似設計，但就只有230米長。單車的確係全球嘅共同發展目標，連倫敦都有類似空中單車天橋計劃，目標係連接全市嘅200公里單車徑！

廈門空中單車天橋，連接市城商業區市中心。

全長7.6公里，成為全球之最！

倫敦打算興建全長200公里嘅城市單車天橋。

相關文章：

美國媒體選全球最美7大地鐵站 亞洲只有一個入選

窩居新態度 荷蘭紙箱屋可住人？

台灣人民聯署要求時區加快一個鐘 向日韓睇齊

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！