沙田酒樓冬至飯安排 被指解說不清 食客到埗才知要畀訂否則收多 300 元 立即轉身走人

今日（22 日）就是冬至，不少家庭都會選擇出外用膳「做冬」。有網民日前就在 facebook 群組「香港茶餐廳及美食關注組」表示，他們一家人預訂沙田一間酒樓做節，但是甫坐下就被侍應詢問，「你哋有冇俾訂㗎？有俾訂個餐就 2,688，冇俾訂就 2,988。」這名網民指，他事先未收到要落訂的要求，訂檯時也無人講過當時不准散叫，當他聽到侍應的說話後，立即轉身離開另覓其他食肆。有網民就認為，如果餐廳有上述行為而不告知客人就並不恰當；不過亦有網民就指，事件可能牽涉溝通問題，因為該間食肆套餐有「早鳥優惠」，有落訂就算是「早鳥」，會較便宜，沒有落訂就收原價；但無論如何食肆有責任解釋清楚。

涉事的食肆，是位於石門的「富臨皇宮」。網民 Terry Tsang 指，他是跟家人提早「做冬」，計劃在上周六（17 日）就吃冬至飯。Terry 表示，他在聽到侍應的說話後，已經即時跟經理溝通，並向他反映指「打嚟訂檯冇人講過話要俾訂」，不過情況依舊。

Terry 表示知道上述情況後，覺得「咁算啦，冇癮，咪起身打算去第到食」，但臨走時隔離檯的一圍，就有人向他表示「我哋都係呀！焗我哋俾，我哋打算食完去消委會投訴。」Terry 認為，理解「做節日子」食肆可能需要客人叫全餐，不能散叫，「但都冇人提過，其實叫餐唔緊要，而家係焗人俾多 300 蚊，電話訂枱時又唔講」，並強調指如果知道要落訂，他是願意付款，問題是他致電酒樓的時候沒聽到相關要求。

Terry 分享事件後，有網民就留言指事主提早做節，「都唔係咩特別日子。唔俾散叫小菜，迫人食餐貴幾舊咁pk」；「起身走絕對正確，唔係錢嘅問題，係未叫嘢食就被強搶 $300，呢啲手法好唔應該！」；「生意差嘅時候就怨天怨地。有生意嘅時候就當啲客乞兒咁」；「打電話冇講根本係佢哋唔啱，比我都即刻走… 支持你」。

不過，亦有網民提到，該間食肆套餐有「早鳥優惠」，有落訂就算是「早鳥」，會較便宜，沒有落訂就收原價；但無論如何食肆有責任解釋清楚。《Yahoo 新聞》也翻查了食肆的宣傳單張，事主所講的套餐應為「冬至歡聚早鳥先訂全包套餐」，八位全包套餐原價 2,988 元，實收價 2,688 元；單張附上一句「一律以訂金單據為實」。