雅虎香港新聞 文頌男抗癌｜網上自曝心聲、文頌男留醫情況不樂觀！直言「今次可能都係最後一次入院」
文頌男抗癌｜文頌男（Koba）曾主持J2節目《不正常愛情研究所》，去年12月公開患有罕見的惡性尤文氏肉瘤，患有大約6×6×4cm的惡性腫瘤，位於椎間近盤骨附近。文頌男一直以樂觀的態度抗癌，惟他的抗癌之路充滿了坎坷與挑戰。
撰文：CK@Medical Inspire 醫．思維｜圖片來源：instagram@koba_mcn
文頌男抗癌｜網上自曝心聲、文頌男留醫情況不樂觀！直言「今次可能都係最後一次入院」
接受了5次化療和28次電療，然而腫瘤情況似乎未見改善。為了對抗病魔，文頌男不斷努力，但病情反覆，加上行動不便，所以現時除了接受治療，他選擇留在家中休養。早前他因病情而要再次入院，更直言「短期內出唔到院，身體情況好差」，為消磨時間文頌男決定以「你問我答」，在社交媒體上與粉絲分享他的抗癌之路。
早前文頌男的姊姊Hilary，在Instagram上透露，弟弟文頌男的腫瘤擴散，下半身甚至失去知覺，情況令人憂慮。現時，文頌男再次入院，短期內不會出院，身體情況極差，但他暫時不願詳細講述病況。他表示雖然每日努力進食，但食少少就感到胃口不佳，甚至想嘔吐。稍微坐起身，胸口就劇痛，並透露護士有漏派藥的情況。
提到現時的身體狀況，文頌男更變得消極悲傷，有網友寄望奇蹟發生在他的身上，他坦言生命的盡頭可能在醫院，奇蹟是稀有的，但他希望能輕鬆、快速地度過生命的尾聲，不再受痛苦折磨：
「好多人都咁講，我都好感謝大家去畀好多鼓勵同支持我，但係老實講，我依家嘅情況一啲都唔樂觀，甚至我覺得今次入院可能都係最後一次入院，都唔見得我可以捱得好耐。
好可能生命嘅盡頭都會喺醫院過完，我覺得奇蹟係好少會發生，我亦都唔係好相信會係我身上發生，只係希望，如果我可以輕鬆啲咁樣解脫，已經係對我一件好好嘅事情，我依家只係唔想咁痛，希望可以舒服少少、快少少過完生命嘅尾聲。」
雖然有人建議他轉去私家醫院，但他的病情嚴重且複雜，轉院費用高昂，他已經捱不住了：
「我都真係有研究，屋企人都幫我研究緊呢方面，都打過去唔同醫院問吓，但依家我個Case都好嚴重、好複雜，一嚟未必肯收、二嚟未必有位收、三嚟係收都貴至少一倍，所以…對於轉去私家希望不太，依家要搬我搬嚟搬去都好煩，仲諗到可能去到新地方，又要做一輪好多新嘢，我真係覺得自己捱唔住。」
另外，文頌男亦提到他喜歡的電影《異形》將上映最新一集，但他認為自己已不太可能看到。奇蹟在他身上不太可能發生，只求不再痛苦，希望能輕鬆解脫：
「係呀！好鍾意呀！我好鍾意《異形㗎！上一套《異形：聖約》，我都特登去睇IMAX，本身見到預告今年8月有，仲好想入戲院睇IMAX…
但依家應該好難，冇機會喇…就算等落畫喺串流平台睇都未必等到。」
