凍冰冰拍落水戲 陳家樂心口貼暖包:當胸肌啦 !

東方日報
·2 分鐘文章
陳家樂着起制服勁有型,師奶粉絲又要尖叫!
陳家樂着起制服勁有型,師奶粉絲又要尖叫!

陳家樂透露在無綫新劇中有上山下海戲份,但近日天氣寒冷,他坦言擔心濕身,打算在胸前貼暖包取暖,順便當「缽仔糕」增胸肌!

袁偉豪、黃智雯、陳家樂與王敏奕等昨日在將軍澳電視城出席劇集《把關者們》開鏡拜神,齊齊以海關制服示人。提到近日天氣寒冷,飾演見習督察的陳家樂擔心要拍落水戲:「遲啲要上山下海,過幾日仲好似話好凍同埋落雨,但係要拍落水戲,都唔知點樣黐暖包!或者黐喺個胸度當胸肌啦!哈哈。」王敏奕演Mean爆上司,她笑說:「近期啲角色愈做愈惡,幾時先可以做番真實嘅自己!」至於袁偉豪與黃智雯合作10多次終於昇華演夫妻,他笑說:「我哋有『床戲』o架!成日瞓喺張床度傾偈,但就冇乜動作。」黃智雯則笑指最親熱的戲份,要數到對方為她洗頭,笑言幻想以為會有夫妻沖涼戲。

陳自瑤冇同老公慶祝

而陳自瑤劇中與C君演情侶,還有浪漫場面。講到老公王浩信奪視帝,可有抽時間一齊慶祝?她說:「佢嗰晚都答咗,話好忙!冇時間慶祝。(有冇重溫番?)冇呀!都係睇新聞。(網民話你先係『最佳女主角』?)多謝畀面,衷心多謝。」

另外,羅天宇承認近日駕駛時被交通警員截查指車窗太黑,要換玻璃兼驗車,他表示玻璃較黑是希望開工時有較私隱的地方休息,年多前試過因瞌眼瞓撞車。

王敏奕演惡死上司,笑言同現實相反。
王敏奕演惡死上司,笑言同現實相反。
袁偉豪與黃智雯恨到升呢做「夫妻」,仲話會有床戲!
袁偉豪與黃智雯恨到升呢做「夫妻」,仲話會有床戲!
陳自瑤與C君戲中做情侶,即場跳番Part舞搞氣氛。
陳自瑤與C君戲中做情侶,即場跳番Part舞搞氣氛。