初吻殺手收服郭柏妍 丁子朗見過世面 錫錫小兒科

無綫小生丁子朗最近可謂艷福無邊，先後奪小花郭柏妍及關嘉敏螢幕初吻，被喻為「初吻殺手」，他揚言自從與戴祖儀拍攝過火辣激情戲後，其他親熱戲均屬小兒科，認真巴閉！

林敏驄、江美儀、丁子朗（丁丁）及郭柏妍等昨日出席無綫新劇《下流上車族》拜神，劇中演柏妍爸爸的阿驄爆料指丁丁成功追求柏妍，嚇得男方急急澄清，笑指劇中演地產經紀，最後與柏妍發展成情侶，但一切只是劇情所需。

雖然如此，但丁丁也大讚柏妍為最勤力新人，劇中演滑板高手，即使練到周身傷，也要含淚拍攝，故非常欣賞她。問到兩人可有親熱戲？丁丁說：「我哋係溫情，當然冇同戴祖儀嗰啲咁激。（係咪攞咗柏妍螢幕初吻？）呢個係第2套，我第1套係拎咗關嘉敏嘅螢幕初吻！」柏妍聞言即取笑丁丁是初吻殺手，被問到可有統計拿了多少女星螢幕初吻？丁丁即爆料：「我點夠劉佩玥勁，佢成日咀小鮮肉。（向佢目標進發？）唔係！好多時感情線合情理都會做，其實同祖儀拍完之後，其他親熱戲都係小兒科。」

拍戲經驗尚淺的柏妍，坦言丁丁不時給演戲意見，令她得益不少。問到與經常爆肚的「爸爸」阿驄合作是否很難搞？她說：「佢都畀好多意見我，真係當我女咁教！（有冇攬住捉住你對手教？）係劇情需要啫！」

林敏驄「私藏」黃嘉雯水着相

演夫妻的阿驄與美儀大耍花槍，美儀除爆阿驄戲中加插「小三」戲份，還向傳媒大呼受委屈，詐型指阿驄偏心，因對方的社交網內只有年輕女演員靚相，但她與鮑起靜卻從未出現：「唔講人哋以為套劇冇我哋份拍，佢對眼淨係望住『南半球』，即係黃嘉雯，佢手機張相係我哋張劇照，但另一頁係『南半球』嘅三點式相呢！」阿驄即笑住否認偏心，還辯稱美儀眼大睇唔到。嘉雯得知今次乃阿驄欽點，即表示受寵若驚，問到是否自己準備泳衣拍攝？她說：「係服裝間同事準備。（阿驄將你嘅泳衣照做Wallpaper！）有咁嘅事？我都係依家先知！」