利君牙與拍拖五年阿Bu宣布結婚 網民藝人紛紛送上祝福

·2 分鐘文章
利君牙與阿Bu宣布拉埋天窗
利君牙與阿Bu宣布拉埋天窗

《毛記電視》藝員利君牙(陳柏寧)與毛記電視創辦人之一兼前商台DJ阿Bu (姚家豪)喺2016年被傳媒影到手拖手行街,其後二人大方認愛。二人至今拍拖五年幾,去到噚晚(11日)利君牙喺社交網站宣布婚訊,唔少網民及藝人紛紛留言送上祝福。

利君牙喺社交網站上載合照並留言話:「我 結 婚 喇~拍拖嗰時無親自同大家講,宜家補返啦~用咗好耐思考到底結婚係為咗咩?好多人都會話都係差張紙啫,但其實又係咪真係差張紙呢?最後我嘅結論係同平時做嘢一樣,諗幾多係無用,做咗再算!」之後佢仲多謝阿Bu話:「[重甜可skip]多謝你,成日用行動嚟話我知你有幾錫我,例如係記住晒我講過嘅無聊嘢,例如係打緊機都會照聽我電話(最多hea覆),例如係會好俾面咁食晒我啲垃圾創意料理,不過其實唔使做咁多,間唔使用口講我都ok㗎~」

喺宣布婚訊後,唔少網民及藝人紛紛留言送上祝福,例如孫慧雪「恭喜晒呀」、練美娟「Congrats ah」及曾比特(Mike)「恭喜」等等。

利君牙
利君牙
利君牙
利君牙
利君牙
利君牙
利君牙
利君牙
利君牙
利君牙

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能