劉德華跨年騷 男歌迷疑跳上台攬實華仔
劉德華昨晚喺紅館舉行演唱會,發生歌迷疑跳落台事件,《蘋果》收到讀者李先生「爆相爆片」,指今晚華仔演唱會尾聲近11點,當華仔行到伸展台時,突然有男觀眾飛身撲向華仔,全場嚇呆。
當時男觀眾跌落台後,一度跪喺台上,華仔大叫:「你小心呀!」即時飛奔上前慰問:「你冇事嘛!」男觀眾借勢攬實華仔,而華仔亦跪地攬實對方慰問,兩名保安亦上台協助,華仔說:「佢跣咗上台、大家要注意安全。」
幸好對方沒有大礙,華仔親自扶佢行落後台,邊行邊緊張慰問,保安護送男觀眾入後台,華仔驚魂甫定後,抹一額汗表示:「你哋小心呀,之前自己都發生過墮馬意外,大家要注意安全,千萬唔好再做呢啲事,唔想大家受傷。」