雅虎香港新聞 【加拿大移民】7大城市食住行生活指數逐個睇 $5000平住市中心一房單位？
加拿大政府近日推出名為Hong Kong Pathways嘅新措施以放寬港人移民門檻，包括最近五年內於香港或加拿大大學畢業嘅大學生，就合乎資格申請三年嘅工作簽證。考慮移民加拿大時，可以先了解每個主要城市嘅物價同生活指數，從而比較適合自己落戶嘅地區。YAHOO!著數專員今次精選七個大城市嘅飲食、住屋同交通開支，供大家參考。
按此下載全新應用程式Yahoo APP，並以Yahoo電郵免費登記成為會員，即時可完成簡單任務賺取Ypoints，憑分即可換領不同獎賞！新人更可即時換領限量新人禮，立即下載！
【加拿大物價飲食篇】
加拿大餐廳普遍設有餐飲稅同約為15%嘅服務費，觀乎七大城市之中，只有蒙特利爾同魁北克市飲食指數係比較低，但同習慣食7、80蚊商務午餐嘅香港人來講，相信都係高左一截。不過飲食向來係豐儉由人，如果想節省使費，唔少人會選擇避免出外用餐，或者去一般唔需要畀服務費嘅連鎖快餐，用淨返落嚟嘅收入應付相對固定嘅住屋同交通開支。
【加拿大物價住屋篇】
作為每個月最大嘅基本開支，住屋應該係每個想移民嘅人最關心嘅一環。如果唔想太大負擔，卡加利呢個被譽為加拿大最年輕嘅城市，同埋魁北克市呢個文化相對開放嘅法語區城市都係可以考慮嘅選擇。當然，你亦可以比較多幾個加拿大常用租屋網站，例如Realtor、Rentals同埋Rentfaster等等嘅價格，喺唔同地區搵到心儀嘅單位。
【加拿大物價交通篇】
就咁望落交通月票嘅差別比其他指數大，但要留意每個城市嘅月票卡可以涵蓋嘅交通工具都有些微差別，例如最貴嘅多倫多PRESTO月票係包括地鐵同巴士，但相對較平嘅溫哥華嘅Compass Card月票係可以搭曬Skytrain、Seabus同埋市區巴士，比較起嚟多倫多就會比賬面仲要貴。
*匯率以HK$1=CA$6.11計算
相關連結：
