加拿大魁北克通過法例 Say Hi等如犯法！

講起加拿大，大家都一廂情願咁諗一定係講英文，無錯嘅，不過原來只係啱咗一半，其實加拿大係行雙語制國家，除咗英文，法文都係其中一種法定語言，當中13個省入面都要喺英法之中揀一種做官方語，其中魁北克就用法文。不過當地執政黨，有見近年用法語打招呼嘅人口愈嚟愈少，大家開口埋口都係Say Hi而唔係講Bonjour，竟然喺11月30日通過咗一條可笑嘅法例，就係所有餐廳、商店等服務業嘅員工必須以法文Bonjour去問候客，唔可以Say Hi！呢條條例就連本身都係法語擁護者嘅魁北克省長都睇唔過眼，覺得好荒謬喎。其實市民大眾都普遍覺得法例好無聊，基本上平日大家都會雙語問候，如果對方用英文回應就繼續用英文繼續傾。目前好多小店都話怕用法文，會令對方誤以為佢哋只識法文，而且遊客一定係識講法文多過英文，怕會影響生意。其實呢啲惡法，唔單止對人民無幫助，反而挑動起雙方語言嘅人民對立，又何苦呢！

喺魁北克到處都係法文嘅Bonjour，提醒大家講法文！

呢度法文先係官方語言，好緊要架！

對於法文定英文，魁北克嘅執黨好有執著。

相關文章：

旅行烏龍事件大集合 上錯航班搭錯機？

飛機上你不知道的安全設施 竟然有斧頭、手銬！？

外國人眼中 5大日本不思議

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！