雅虎香港新聞 北海道出中文教禮儀
內地人轉戰日本，日本唔少地方都先後推出中文小冊子，重新教育旅客。繼京都教大家點去廁所，北海道旅遊組織上年八月推出小冊子，教遊客有關當地文化同禮儀，最近就推出更新版，首印8,000本，除咗有英文，仲特登有埋中文，係簡體中文，甚至有部份內容係針對強國人。大家不妨又睇下幾項內容，有啲香港人都需要注意下。
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
最緊要守時
守時，守時，守時！日本人好講承諾，應承你幾點就幾點，大家都應該要履行承諾，book咗餐廳、和服店就唔好shopping遲到啦！
相片來源：happyjapan @tumblr
馬桶沖走廁紙
住宿方便，要留意下廁所嘅清潔，真係唔小心整污糟咗地方，請務必清潔好先離開。日本廁紙係可溶水性紙，用完就直接丟入馬桶沖走，唔好丟入垃圾桶，更加唔好因為係made in Japan而大量拎走。
浸浴前沖涼
浸溫泉唔係沖涼呀，所以入浴池，浸溫泉之前，緊記要先淨身體頭髮，日本人好鍾意乾淨，更加唔好著住毛巾入浴或係喺池入面捽老泥。
相片來源：happyjapan @tumblr
唔好食淨野
飲食方便，請將吐出黎嘅食物殘渣，放入另一個盤或碟度，唔好直接吐喺台面。有胃氣打嗝，生理反應黎，但都要盡量控制下，唔好太奔放。喺日本唔好食淨嘢，一黎日本人好反對浪費食物，而且清晒啲食物係一種禮貌同尊重，只有唔好食先會食淨。
咩都要排隊
排隊！排隊！排隊呀！日本人地震都會排隊，你就知排隊禮儀有幾重要。
另外，要食煙就請去到吸煙區食，唔好喺吸煙區以外範圍食煙，更加唔好一邊行一邊食，小朋友可能就咁被逼食二手煙。去到景點影相打卡，當然歡迎，但要留意果度係咪私人土地，特別係去到田地，踩咗入去，會搞到人哋好麻煩，影還影，行還行，請留意自己企緊嘅係咪公共地方。
更多相關文章
