十個最糟的旅遊經歷 七樓無𨋢搭、露營無帶帳篷

去旅利緊係想開開心心，順順利利，但有時黑起上嚟，唔好話地震、車禍、炸彈爆炸等天災人禍，即使係簡單去個廁所或執個行李都會出事。最新有外國網站綜合網友故事，列出十個最糟的旅遊災難故事，唔單止掃興，分分鐘蒙上旅行陰影。

塞車尿急

遇著大塞車，六歲嘅細佬嘈住要痾尿，爸爸就拎個水樽俾佢痾。點知駕駛郁一郁，細佬就痾咗落爸爸個頭同軚盤度。

牛墮懸崖

有網友同姐姐親眼目睹一隻牛跌咗落100呎深嘅懸崖下面，從此佢哋就蒙上陰影，兩姊妹咁多年黎都唔敢再提。

鯨魚腐屍

一家人去喺海邊旅行，發現有條鯨魚擱淺死亡，當地人決定要炸咗佢。當時10歲嘅佢同屋企人，以為可以一睹奇觀，但估唔到，炸出黎嘅果陣腐屍味真喺好難頂。更災難性嘅事就發生喺佢身上，炸散嘅屍骸大範圍散落，偏偏有部就落到佢身上，佢從頭到腳都喺腐屍，陣味久久未能散去。

露營帶漏帳篷

旅行帶漏嘢經常有，但有網友一家揸六個鐘頭車去露營，諗住執齊晒嘢，大家飲啤酒慶祝露營開始。點知偏偏執漏咗一個帳篷，唯有再返轉頭拎番。

跳水甩泳褲

有人一家去旅行，爸爸著咗條20年前嘅泳褲，諗住喺跳板跳落池，點知跳幾下就成條泳褲甩咗出黎，但爸爸繼續跳落池。可以想像到，場面有幾尷尬同好笑。

七樓無𨋢搭

有網友去巴黎旅行，行咗成日，諗住搭𨋢上七樓酒店房。點知上咗一層就困𨋢，搞咗個半鐘先出到黎。原來部電梯日日都壞，所以佢哋個幾日都要行樓梯上落，少D腳骨力都唔掂。

塞馬桶

一家同朋友去維京群島，租咗一間屋住兩星期。但估唔到間屋嘅馬桶塞咗，通極都通唔到。足足一個星期，搞到成間屋都勁臭，心情差晒。

遲落火車

其實落遲咗火車都好小事姐，但呢位人兄經歷真喺慘啲，佢同一位朋友搭火車旅行，要分開列車瞓一晚，行李擺咗佢朋友果邊，點知朝早醒咗，佢朋友落咗車，佢就冇落到。身上冇錢，電話冇電，連鞋都冇。幸得一對夫婦可憐佢，買咗張返轉頭嘅車票俾佢，唔知佢地絕咗交未。

食物中毒

食物中毒都喺旅行經常發生，但呢位網友一家喺嚴重食物中毒。佢哋喺墨西哥旅行，酒店附近食完嘢，返酒店嘅車程已經落車嘔咗四次，細佬妹都陸續嘔吐，嚴重程度喺連水同藥物都吞唔到肚，陰功豬。

集體痾嘔

呢位同之前個位差唔多，都喺食物中毒，不過，就喺15人嘅集體痾嘔。佢哋住喺兩個房同兩個廁所嘅公寓，大家一齊痾嘔，兩個廁所又點夠呀。所以周圍痾同嘔，諗起都好可怕。

相片來源：onegirlonecity ＠tumblr