千呎居所 設計淡雅 何國鉦整色整水氹人開心

·2 分鐘文章
大廳非常寬敞,巨型梳化可招呼一大班朋友。
大廳非常寬敞,巨型梳化可招呼一大班朋友。

何國鉦「公私」分明,身為時裝設計師,做衫主題華麗,私生活就崇尚簡約。其起居室裝潢淡雅,以色彩繽紛的地氈和咕o臣點綴,加上悉心栽種的仙人掌帶出自然氣息,一入屋就令人有開心感覺。

何國鉦(Dorian)於九龍塘區一住就15年,喜歡這區靜中帶旺,又靠近父母及弟弟,亦方便他到花墟買仙人掌,他說:「呢期好鍾意仙人掌,一來天氣熱,二來可能疫情太耐,周邊好多負能量,仙人掌都係自己砌,疫情冇嘢做,發掘咗個興趣來。」

15年前500萬買入

作為一個時裝設計師,總以為他的家就像Showroom般金碧輝煌,可是一踏進屋內,卻見滿室光亮,設計簡樸,僅以不同的擺設來配合當刻心情或節日氣氛,創作出無限可能。疫情下留家的日子很多,他就擺放彩色地氈和咕o臣,添加繽紛色彩,招呼朋友到來,大家心情也隨之豁然開朗。

15年前他以約500萬購入現居,現已升值至2,000萬,面積千呎,一廳一房設計,地方闊落,很多人以為他投資有道,他卻自覺「撞彩」,並奉勸年輕人可以先購細單位上車,然後再樓換樓。

他一直飼養兩頭愛犬「婷婷」和「Hugo」,去年婷婷患癌離世,現時Hugo亦患上臉癱、腦退化及白內障,不良於行和看不到東西。一向愛狗如命的Dorian,在家居上亦有作出改動,他說:「之前喺廁所鋪膠墊,驚佢跣親,但依家冇用,佢行唔到。佢之前成日將頭攝入角落位,同埋捐入梳化底,佢唔識倒後行,試過喺梳化底出唔到嚟,所以我就封咗梳化底。」

守護愛犬到最後

他讚Hugo生命力強,不忍心為Hugo打針,希望照顧愛犬到最後一刻,「佢夜晚唔瞓,我一晚要醒幾次照顧佢,唔夠瞓係辛苦,照顧佢對我人生係好大考驗。有人問,點解唔送走佢?我做唔出,養寵物係一世責任,希望畀正面訊息,佢就係屋企一分子,佢嘅世界只有我一個。」

現時500萬未必買到納米樓,不過15年前卻能買得千呎豪宅。
現時500萬未必買到納米樓,不過15年前卻能買得千呎豪宅。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能