環球趣聞|南韓便利店推出Pokemon麵包被瘋搶 BTS成員都爭

·1 分鐘文章

Pokemon係唔少人嘅童年回憶,繁衍出無數產品都令唔少人收集儲存。先講背景,南韓曾於1998年至2006年期間有一款用膠袋包裝嘅Pokemon麵包,每袋入面都附送一張貼紙,如是者收集唔同Pokemon貼紙就成為好多小朋友嘅習慣,但估唔到20年過後,公司竟然重新推出呢款產品!

有人計過要集齊159張貼紙就需要50至60萬韓圜。
(圖:koreafunnews@twitter)
有人計過要集齊159張貼紙就需要50至60萬韓圜。 (圖:koreafunnews@twitter)

消息一出,唔少已經長大成人嘅朋友即時喚起童年回憶,爭相去便利店購買膠袋麵包,重點當然唔係為咗食,而係入面嘅貼紙;而且當然愈罕有嘅Pokemon愈難抽到。目前成個南韓幾乎所有出售嘅便利店都已經賣晒,連天團BTS多位成員都有份搶,仲出Live即時打開,結果多包都抽中「小拳石」,大呻「點解要咁對我!」,非常搞笑。

網上仲已經有推出貼紙轉售格價,最易抽中嘅大針蜂等索價2至3千韓圜(約15港元),比麵包原價1,200元仲高!但去到比較高級例如比卡超、傻鴨等就已經要7千至1萬韓圜(約50港元)。有人計過要集齊159張貼紙就需要50至60萬韓圜(約3千港元)!

所有出售店都幾乎全數賣晒,一包難求!
(圖:koreafunnews@twitter)
所有出售店都幾乎全數賣晒,一包難求! (圖:koreafunnews@twitter)
連BTS成員都有搶,可見熱潮有幾厲害!
(圖:koreafunnews@twitter)
連BTS成員都有搶,可見熱潮有幾厲害! (圖:koreafunnews@twitter)

按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!

相關文章:

俄烏戰爭|良心酒店!俄籍老闆為烏克蘭難民提供免費住宿

環球趣聞|墨西哥前總統專機太奢侈 開放公眾借用私人用途

日本旅遊|港女日本踩入花田影相 網民狂鬧「扮唔識睇漢字?」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能