雅虎香港新聞 Yahoo Travel HK
印尼跟團餵紅毛猩猩 少女險被猩猩捉走？
印尼係一個充滿熱帶熱林嘅國家，去印尼玩，基本上一定會安排相關活動，坐下船仔穿梭雨林，或者同當地嘅「原居民」紅毛猩猩互動一下。不過近日有外媒就報道一件恐怖故事，差啲釀成悲劇。近日一個當地Local Tour如常帶遊客進入雨林，仲去搵紅毛猩猩做近距離接觸，一般嚟講紅毛猩猩比較溫馴及平易近人，所以呢個活動一直都好安全。今次活動亦開始得順利，一位外國少女就慢慢接近一隻比較年輕嘅紅毛猩猩，並開始餵食。不過猩猩開始變得愈嚟愈唔耐煩，仲用手拉實少女隻手，一開始少女仍然以為係同佢玩，但點知猩猩一直唔放手，而且愈扯愈大力，更直情想拖佢走。嚇得少女及附近團友都開始擔心，幾經眾人合力用各種方法引開猩猩注意及拉開佢對手，少女終於甩身，但雙手已經紅腫及扭傷，幸好無甚大礙！當地導遊就話可能呢隻猩猩剛為人父，所以有好強保護地盤能力；幸好少女當時無受驚大叫或者死命掙扎，否則仲刺激到猩猩，以猩猩嘅臂力，係可以直接扯斷人手呢！
少女一開始仲同猩猩玩得好開心，以為只係一般地遊玩。
後來猩猩死不放手，仲想拉少女離開！
最後終於係眾人之力下解救少女，嚇死人！
相關文章：
