去旅行時發現自己有呢5點 證明你擁有真正快樂人生

你覺得自己過得快唔快樂？當遇到壓力或者令你沮喪嘅事時，你多數會選擇食好西、買鐘意嘅野抑或劈酒去抒發一下？不過你又有無諗過即時執好行李就去個旅行，去新嘅地方俾自己一個放鬆嘅機會，如果你擁有或者做呢幾點，相信你一定會快樂得多。

經濟基礎

金錢雖然唔係一切，但衣食住行點都需要用錢，更何況去旅行？當你有穩定嘅經濟基礎，就唔需要擔心咁多，想出發就出發，即刻買機票訂酒店。

放慢步伐

平時生活同工作都好急促，趕頭趕命，有時甚至好似唔知自己趕緊咩咁。當去旅行時不妨放慢腳步，仔細欣賞每個景點，留意下第二個地方嘅人同事，亦都比自己多啲呼吸空間。

懂得生活

真正快樂嘅人應該對所有野都全情投入，工作就100%認真去做，去旅行亦都全力去玩同放鬆，完全拋開哂煩惱住你嘅野。

正確消費

儘管去旅行你一心只係諗住食玩買，買好多香港無嘅潮物、貴野。但你可以將錢用係令你有難忘體驗或者令自己進步嘅地方，好似係行下博物館，睇一場音樂劇等。

知心朋友

擁有真心、知心朋友絕係一大無比褔氣，大家不論高低起落都互相扶持。如果能夠同佢地一齊去旅行，累積大家友誼嘅經歷，更加會係一份寶貴嘅回憶。

相片來源: Kaomeleon816@tumblr