口罩小姐94號「假Renci」 籃球女神「籃球界陳妍希」 - 方詠琳相集
近期ViuTV熱播嘅《最後一屆口罩小姐選舉》成功引起唔少人嘅關注,一眾參賽者嘅真實身份亦都引起唔少網民嘅注意。當中以一句「我真係好靚,戴唔戴口罩都靚」而得到Error成員垂青入圍20強嘅「假Renci」方詠琳就吸引唔少網民留意。現年32歲嘅佢曾經係女子乙組籃球隊「悠悠」嘅成員,所以就有「籃球女神」同「籃球界陳妍希」嘅稱號;2017年開始佢更加有參演電影嘅機會,喺ViuTV拍攝中嘅劇集《大叔的愛》亦有份參演,更加係唔少廣告商嘅寵兒,發展算係唔錯!