古佩玲通宵拍劇 心經手鈪定驚

古佩玲備受無綫重用,劇接劇磨練演技。
古佩玲備受無綫重用,劇接劇磨練演技。

前港姐古佩玲在無綫處境劇《愛.回家之開心速遞》及新劇《凶宅清潔師》中,皆有情緒戲演出,甚考演技。她笑言本身淚點很低,喊戲可以「真眼淚」真情流露演繹,她說:「《愛》有場戲要喺街喊,拍嗰陣條街好多人,有啲緊張,到拍嘅時候心急想完成,就真係喊咗出嚟!《凶》就畀阿媽摑一巴,本來唔使喊,但入咗戲,嗰刻感覺好委屈,都喊咗出嚟。」

問拍《凶》期間可有靈異遭遇?她說:「開工一直戴住刻咗心經嘅手鈪,好彩冇遇到怪事。其實深夜喺大帽山拍通宵戲,冇靈異嘢都已經好恐怖,嗰度又黑又大霧,如果唔係同劇組一齊,隨時迷路。」