古巨基囝囝咬住奶嘴拜年

歌手古巨基已準備好回歸樂壇大展拳腳，不過阿仔Kuson始終是他的重中之重，前日他就帶埋阿仔拍片跟大家拜年。基仔以「Kuson第一次代表爸爸媽媽拜年」為題，晒出新拍的短片，Kuson眼仔睩睩，仍咬着奶嘴，不過最厲害是他心有二用，邊咬奶嘴邊跟爸爸講出賀年祝福：「恭喜發財！身體健康！好嘢！」又多次拍手、抱拳等，真係Cute到加零一，難怪基仔在他身後笑到見牙唔見眼。