叱咤記者會直播粉絲等睇MIRROR 壓軸現身死機惹網民鬧爆

《2022年度叱咤樂壇流行榜頒獎典禮》記者會原定本月初舉行，不過因受颱風影響延至今日（10日）喺昂坪市集舉行，今次記者會有半百位歌手參與，例如9位MIRROR成員、林家謙、MC張天賦、謝安琪及鄭欣宜等等，成功吸引唔少歌迷及大批鏡粉提早到場霸位，實行用行動去支持偶像，場面相當墟冚！

有唔少未能到場嘅網民，只好透過商台Facebook專頁睇直播，大會介紹不同單位出場時，氣氛已經非常熱烈，正當大家迎接最期待嘅時刻，直播竟然出現問題而中斷，畫面仲出現「正在等待直播視像訊號」及「直播影像正在等待訊號，將在短時間内繼續播放」。唔少網民都撳爆F5，不過直播冇繼續播放，冇幾耐仲要完結埋。唔少網民既傷心又憤怒，紛紛留言鬧爆，例如「等咗差唔多成個鐘呀，好多人仲要唔食lunch去等」、「係啦可⋯⋯⋯早唔停遲唔停，一準備嗌mirror 就停」、「時間真係較都冇咁啱」、「電力供應會揀正 Mirror 出場嚟死火，搵邊個信？」、「真心嬲」、「有冇搞錯啊一個Mirror就咁樣」、「有冇咁啱啊」、「出mirror 先有問題？」及「邊有咁多巧合，到鏡仔出場先電力故障？」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！