雅虎香港新聞 Yahoo Travel HK
同姓男子搭飛機 錯機票照俾上機？
每日機場嘅客運大樓都人來人往好繁忙，有事忙起上嚟難免會有啲大烏龍嘅情況出現，不過最近係英國曼徹斯特機場，就有一單匪夷所思嘅烏龍事件出現咗。
話說當日買咗Monarch航空機票前往巴塞隆拉嘅一位男士，登上咗航機ZB516，但上到機就發現竟然有人同自己同一個機位，而空服人員對住呢兩張同一個座位嘅登機證都一頭霧水，為咗解決呢個問題，機長最後要求所有乘客落機返回客運大樓，重新進行登機手續，最後呢個航班delay 咗足足三個鐘頭先起到飛啦。
當然，真相始終會水落石出，最後發現兩名男子乃同姓，不過個名同埋出生日期就完全唔同，而其中一名男子就係買咗第二日同一時間飛往巴塞隆拉嘅航班，只不過佢意外提早咗一日到機場，但地勤職員就擺咗個大烏龍幫佢check in 。
針對今次嘅事件，航空公司同曼徹斯特機場都會人話事件並無任何安全漏洞，事關兩名男子係通過左安全檢測先至進入禁區，不過機長為咗以防萬一先至決定所有乘客要重新攞行李再次check-in，而航空公司就為今次嘅行政失誤致歉。
今次事件嘅航空公司Monarch。
重新檢查行李，聽到都喊三聲。
明明上咗機都要落翻嚟，真係幾慘。
相關文章
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
