同《殺手》佛爺完全相反! 現實中李成昌係好老公好爸爸

·1 分鐘文章
《殺手》截圖
《殺手》截圖

近日無綫兩線黃金檔期劇集《迷網》及《殺手》都見到李成昌嘅蹤影,佢喺《殺手》中飾演黑社會大佬佛爺,講嘢大大聲、橫行霸道、做事心狠手辣,真係係人見到佢都驚,佢嘅下場被喬星(陳豪飾)射殺身亡。呢個角色非常搶鏡,為劇集加咗唔少分。但現實中嘅李成昌同佛爺係完全相反,佢係一個好老公同好爸爸,家庭為重嘅佢喺每日放工後,最期待就係返屋企。

現年62歲嘅李成昌與太太喺93年結婚,婚後生咗一個女Meganie,一家三口生活美滿。李成昌囡囡係哈利波特迷,所以一直嚮往英國校園生活,兩公婆為咗成全個女嘅夢想,就用積蓄送佢去英國讀書,而家個女喺英國留學讀高中,希望下年考入大學讀心理學。李成昌話個女喺香港時成績一般,但去到英國後成績突飛猛進,英文及數學考到全班第一名,而且仲讀得很開心。

至於李成昌同太太二人結婚27年,感情依然好好,佢好感恩太太一直都好支持佢, 佢哋多年嚟冇鬧過交。二人相處就係互相忍讓,嘗試接納及用對方嘅方法做事,有咩要講出口,唔好放喺心入面,咁先可以維持到老。

《殺手》截圖
《殺手》截圖
《迷網》劇照
《迷網》劇照
李成昌
李成昌
李成昌
李成昌