吳傑莊梁美芬議辦職員「中招」 立會累計確診個案311宗

【on.cc東網專訊】繼接連有議員染疫後,立法會秘書處今日(17日)接獲2宗個案,分別係議員吳傑莊同梁美芬嘅職員「中招」,而兩名議員同其他共事職員做咗快速測試,結果係冇染疫。立法會累計確診個案為311宗。

秘書處話吳傑莊嘅確診職員最近返回中信大廈13樓嘅日期係7月15日,近日冇同吳傑莊接觸,而梁美芬嘅染疫職員最近亦喺7月15日返回立法會綜合大樓,曾到過7樓同地下公共申訴辦事處會議室。嗰名職員當日曾經陪同梁美芬同當值議員與申訴團體會晤,全程佩戴口罩,同佢共事職員正在居家隔離。

評估感染風險後,秘書處已安排消毒同上述感染個案有關嘅地點同公眾地方。

【更多即時新聞詳情請上東網新聞

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能