吳千語施伯雄意大利舉行世紀婚禮 疑禁止賓客曝光女方父母正面照

30歲嘅吳千語（Karena）與「百億富三代 」施伯雄（Brian）拍拖4年，近年越愛越高調，二人去年12月喺香港簽字拉埋天窗，到香港時間本月4日凌晨喺意大利舉行浪漫婚禮。當日場面熱鬧，唔少參加婚禮嘅賓客都有喺社交網站分享現場照片，不過有傳言指有部分賓客被要求刪除有吳千語父母正面嘅照片及相關內容，有網民猜測吳千語故意禁止父母曝光。

吳千語與施伯雄日前喺意大利一間有千年歷史嘅別墅莊園舉行婚禮，男方家族成員都有高調出席，吳千語爸爸並冇送吳千語出嫁，而係佢自己喺逾百賓客見證下走到老公施伯雄面前。另外，有傳言指有部分賓客被要求刪除有吳千語父母正面嘅照片及相關內容，有網民更發現其中一位賓客疑似影到吳千語父母正面照，但相關內容好快就被該名賓客移除，所以有網民猜測吳千語唔想父母曝光。

吳千語喺初出道一直對外隱瞞家庭背景，並曾經指爸爸有澳洲血統，並喺澳洲開餐館，仲話自己喺小學時期與澳洲留學，直至中學先返香港讀中學。但之後佢被踢爆喺杭州出世，嚟香港後喺沙田沙角邨長大，而爸爸就係喺沙田大圍斬任職燒味師傅，而佢喺入行後都嚴禁父母曝光。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！