周柏豪水底戲出事 幽閉恐懼症發作

·2 分鐘文章
周柏豪透露近日輕了6、7磅。
周柏豪透露近日輕了6、7磅。

忙於為無綫新劇開工的周柏豪,昨日現身公開活動,他自爆日前拍攝水底戲時令幽閉恐懼症發作,導致身體出風瘌及紅疹,要打針食藥控制病情,故有意稍後學潛水來克服恐懼。

歌手周柏豪、聲夢學員姚焯菲(Chantel)及鍾柔美(Yumi)昨日出席活動向香港運動員致敬,柏豪自稱20年前乃籃球運動員,一直將永不放棄及自我挑戰精神延續到工作及湊小朋友上。

對於獲Chantel的粉絲讚靚仔,柏豪笑說:「依家出活動感覺好特別,粉絲好細個,以前啲粉絲同我差唔多年紀,但Chantel同Yumi嘅粉絲得12、13歲,身為佢哋嘅導師,見佢哋咁多工作都好安慰,又會諗起屋企嘅小朋友。」正忙為新劇《旁觀者》開工的他,自爆日前拍攝一場水底戲,因幽閉恐懼症發作導致身體出風瘌及紅疹反應:「我隔晚去咗醫院打針、食藥同搽嘢控制住,因為脫水,我即時瘦咗6、7磅。好在場戲順利完成,拍檔王敏奕都幫咗我好多。可能細個因為困𨋢同焗親,所以喺狹窄同昏暗嘅環境下就會咁,不過大大吓識得調節,好咗好多。」他更指經此事後,有意學潛水克服恐懼:「最近學揸電單車,仲諗住學揸船同潛水,想增值自己。」

Chantel呵欠連連

而一臉倦容的Chantel不停打呵欠,笑指活動前於車上小睡片刻:「我未回魂啫,依家要兼顧學業同工作,不過暫時功課唔多,所以唔吃力。(星期六、日要工作,少咗跟朋友相處?)大家會傳訊息,返學都見到。」Yumi則表示大部分朋友是同學,返學已能見面,故放假不會特別約去街,問到可有同學向她八卦娛圈新聞?她說:「唔會,佢哋會關心我嘅工作同鼓勵我,亦有同學叫我表演《狂野之城》。」

Chantel及鍾柔美(右)趁不用返學,出席活動保持人氣。
Chantel及鍾柔美(右)趁不用返學,出席活動保持人氣。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能