唔怕被誤會性取向 周嘉洛年底豬籠入水 學投資博買樓

近年備受力捧的無綫小生周嘉洛及小花郭柏妍，憑劇集角色令人氣急升，連帶搵真銀機會及收入亦直線上升。郭柏妍希望能做得更好報答大家厚愛，而周嘉洛則揚言要買大屋報答媽媽。

藝人周嘉洛、郭柏妍及《聲夢傳奇2》學員趙小婷昨日分別現身會展擔任活動嘉賓。憑《痞子殿下》人氣急升的周嘉洛近年廣告工作漸多，問到是否豬籠入水？他說：「我都想！不過年尾活動係多咗嘅。」他直言最想買大屋給媽媽作安樂窩，又笑言賺多了也未必追得上物價上漲，會考慮學習投資。

他指聖誕假期這幾天也和同事一起拍劇：「有趁機交換禮物，咁啱係拍落Club劇情，大家可以輕鬆啲。（之前影到你落同志吧玩？）其實我人生只係落過一次就畀你哋見到，哈哈。」他解釋當日是慶祝《痞》劇成功打入台慶頒獎禮10強，所以一班劇中拍檔包括緋聞女友陳瀅等齊齊落吧慶祝，笑言現場靚仔多，亦不怕被誤會性取向：「社會咁Open，我一直都鍾意女仔㗎！」

郭柏妍爭獎添信心

至於憑話題劇《下流上車族》獲外間關注的郭柏妍，出席另一活動時吸引不少粉絲支持，她坦言沒想過劇集如此受歡迎，劇集順利打入台慶頒獎禮多個獎項，令她感高興及更有動力做得更好，爭獎信心大增，並期望能與劇中一家人齊齊上台攞獎。

而趙小婷也現身獻唱聖誕歌，她透露今天約了一眾學員開派對及交換禮物，並特別預備一份禮物給其中一位男學員，但要保持神秘沒能透露。她希望明年能出新歌，問到賽後是否多搵錢工作？她說：「唔係靠呢啲搵錢，有得唱就係開心事。」