唔知老友新劇被Out 洪永城爆黃翠如:冇以前咁Fit!

洪永城坦言有慰問黃翠如。
洪永城坦言有慰問黃翠如。

年底榮升人父的洪永城努力睇育嬰指南,實行為新手爸爸做好準備!他表示有跟情緒受困擾的好友黃翠如聯絡,直指對方狀態不及從前,不過口才依然,繼續窒他!

藝人洪永城、陳曉華(Hera)、陳楨怡(Celina)、伍樂怡、王菲及麥大力,昨日出席明珠台《香港都會大學提供:知識新天地》電視節目啟播記者會。提到洪永城婚後久未出席活動,他笑言要享受二人世界,又要忙為劇集《凶宅清潔師》做後期製作,兩星期後則開拍《法證先鋒Ⅴ》。身為準爸爸的他坦言看了很多育嬰指南:「太太應該年底生,我向《法證Ⅴ》劇組請咗兩個禮拜假。」並指太太梁諾妍現已做好生育準備:「醫生話佢好健康,只係有時會腳攰,我就幫佢按摩。(陪入產房?)未諗,但我唔怕血,扶持佢緊要過怕血!」

陳楨怡眼睫毛結冰

問到可知好友黃翠如原本有份演出《法證Ⅴ》,但最後被換角?他說:「我真係唔知,我一嚟就已經係蔡潔,即係依家嘅名單。」他坦言有慰問翠如:「佢OK嘅。(佢幾時開工?)佢暫時都係休息。(佢有冇異樣?有冇窒少咗你?)一半一半啦,好似冇以前咁Fit嘅狀態,但都有『潤』下我,所以狀態都唔錯,哈哈。」

至於Hera及Celina齊齊晒腿現身,Hera自爆上堂時會瞓覺及玩電話,至於在英國讀書的Celina表示:「因為我讀建築,所以有去field trip(實地考察),去過莫斯科、印度,試過喺零下30度每日行8公里,眼睫毛都結冰。」讀護理系的Hera表示在醫院病房實習了一年半,最難忘有小朋友因撞車致腳部碎骨:「每日經過病房都會聽到小朋友喊,我忍唔住匿埋喊。」

陳楨怡(左)與陳曉華晒腿出席活動。
陳楨怡(左)與陳曉華晒腿出席活動。