單身女子旅遊防狼5式

早前連相當男性化嘅何韻詩，都喺芬蘭住民宿遇上「鹹濕屋主」，險遭非禮；最近已故歌唱老師戴思聰女兒戴蘊慧，隻身去杜拜，原本由酒店安排去沙漠，點知中途無啦啦有幾個大漢上車，司機又將音樂聲量調較到好大，似去party多過沙漠，好彩事主立即同佢地影相，再立即upload上有成千幾二千人嘅fans page，繼而特登話佢地知，先化險為夷。一個人旅行的確係型嘅，但自身安全都係一個值得關注嘅課題。究竟當女生孤身上路去旅行時，有咩出遊防狼方法？以下幾招比大家參考下！

1.識揀安全地方
一個人上路首先揀治安較好嘅地方，好似日本、紐西蘭、瑞士等，其他危險地方好似俄羅斯、印度等都係等埋朋友一齊去啦！

2. 一個背包走天涯
一個去旅行最緊要輕便，走路都走得快D！所以最好用一個背包裝好所有行裝，再掛一個防狼器，有事發生就扯出發巨響，嚇都嚇死對方。

3 .有古怪即逃
一個人警戒性要好高，覺得民宿或屋主有古怪，要即走去警局或人多的地方；盡量減少同陌生人獨處的機會，減少危險事情發生。

4. 忌暴露衣着
著到鬼火咁靚又非常暴露，會引起別人目光，簡單輕便加運動鞋就好了。

5. 十問九不應
外國經常有陌生人上前搭訕，覺得對方不友善、有可疑或者讓妳不安的時候，不出聲、不回應，快步離開最安全。

相片來源：網上截圖