嘉玲逝世︳謝賢初戀女友 嫌四哥太貪玩分手 息影嫁泰國華僑

粵語片時代女星嘉玲逝世尋日喺泰國睡夢中逝世，享年87歲。以高貴氣質而備受歡迎嘅嘉玲，60年代末息影，後隨夫婿移居泰國多年。

原名何佩英嘅嘉玲家世非凡，祖父係民國年代嘅駐美國領事，後來因國共內戰舉家遷到香港。1953年，18歲嘅嘉玲考入嶺光公司演員訓練班，獲藝名何嘉玲，並因此而結識四哥謝賢。

1955年，嘉玲同四哥一齊過檔迪華公司，首次拍戲參演《三妻奇案》就成為女主角。之後佢同四哥再次一齊轉投另一間公司光藝製片，並以嘉玲之名拍片，以《九九九命案》（1956）走紅，成為光藝當家花旦。嘉玲從影以來主演作品超過60部，包括《五月雨中花》上、下集（1960）、《追妻記》（1961）、《花花公子》（1964）、《英雄本色》（1967）等。

嘉玲同四哥謝賢唔止係螢幕拍檔，仲係多年情侶。四哥曾公開承認嘉玲係佢「第一個深愛嘅女人」的她，由演員訓練班同學變成初戀情人，但係拍拖10年後分開，有指原因係嘉玲認為謝賢太貪玩。1963年，嘉玲同泰國華僑姚武麟結婚，二人育有兩女一子。1967年嘉玲息影後定居泰國曼谷，甚少公開露面重。嘉玲契女郭秀雲提到，嘉玲逝世時姚武麟在身邊，佢地嘅仔女正在外地趕回泰國。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！