嚇到心都離一離 西班牙河上出現巨型少女人頭
藝術裝置好多時大家都未必睇得明,不過有陣時真係會被佢哋嚇一嚇,位於西班牙嘅畢爾包近日就有一件藝術裝置,竟然係大大個少女人頭飄浮於河中,無論遠睇或近睇一樣咁逼真同嚇人!
藝術裝置為墨西哥藝術家Ruben Orozco Loz所設計,用上玻璃纖維製作出逼真嘅少女人頭雕塑,並重達120公斤,以西班牙文《明天》(Bihar)命名,希望大家關注地球可持續發展事業。只見少女頭浮於內維翁河中心,雙目無神而且空洞,自帶一股寒意,原來係代表「人類決定緊自己命運嘅浮沉」,一旦人類繼續破壞環境就等同淹沒自己,目前仍有一線生機但已經十分危險。姑勿論帶出嘅意思有無成功傳遞出去,呢件藝術裝置都一定非常引人注目,算係非常成功呢!
(圖:rubenorozcoloza@Twitter)
按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!
相關文章:
萬聖節限定!-airbnb推住《奪命狂呼》大宅住宿體驗-每晚只需港幣