雖然有唔少動物之森(下稱動森)玩家已經唔再係日以繼夜咁玩Game,但每逢有新Update或活動都會重投動森懷抱。好似尋日(8月2日)動森就推出了8月限定的煙花大會,各玩家可自選煙花圖案,又可穿上浴衣到廣場同村民一齊睇煙花兼抽獎,更可約埋一班朋友一齊打卡影相,講真成個煙花大會都做得相當Details,無論係煙花的細緻度、抽獎獎品的豐富性,甚至木屐聲都做得相當神似,攪到大家係呢個虛擬世界都影相影足兩三個鐘。
煙花大會於8月每個周日晚上7-12點限定舉行,經過尋日的經驗之後,相信大家會好好安排嚟緊周日的打卡細節,好似整多幾個影相打卡位、搵好煙花圖案設計,最最最重要係搵到靚靚嘅浴衣。有見及此,Twitter已出現大量浴衣設計供免費下載,今次就精選40件比大家慢慢揀啦!