多圖！新任南韓總統文再寅 保鑣靚仔到紅出外國？

接替朴槿惠，新上任嘅南韓總統文再寅，相信好多人都聽過，但係佢係咩樣？就應該唔係太多人知，不過反而講起另一個人物，目前仲國際知名度大增，直迫總統本人！呢位就係文再寅嘅貼身保鏕崔榮宰（Choi Young Jae）！話說文再寅當選後，好多時出席公開場合時，都有幾位貼身保鏕護住，媒體就發現其中一位顏值極高，就係呢位崔警官！一副韓星嘅身型加上冷酷嘅俊臉，唔單止令萬千韓國人融化，仲誇張到連海外媒體都爭相報道！呢位崔榮宰隨即被媒體起底，現年36歲，曾任韓國陸軍特戰隊指揮官，大有來頭，保護總統時用銳利嘅眼神，盡顯機警及冷靜頭腦，完全一副「Everything under control」嘅展現！大家係咪以為自己睇緊韓劇？！簡直掀起全球新一股韓仔旋風！不過崔榮宰已經結咗婚仲有兩個小朋友喇，令好多人心碎。其實如實韓國藝能界可以食住水，簽佢做韓星，再拍番幾套講保鏕戲，隨時賣到去荷里活都得呀！唔講咁多，去相！

相關文章：

【多圖】全球最靚女飛機師 坐擁24萬紛絲 有咩咁把炮？

五大必食餐廳 有間訂到2025年？

空服員透露的真心話 「去到浪漫異國都好孤單」

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！