夜漫遊｜余逸思、馮卓然成都街頭採耳 馮卓然體驗「顱內高潮」

今個星期日(18日)《夜漫遊》首播，Yoshi和Anton第一站首先出發到成都，實行日夜癲倒，試盡成都地道的夜生活。不過未到埗，Yoshi在機上卻先測試Anton的普通話，誰知不試猶自可，一試令人笑呵呵！Anton的普通話竟然是「煲冬瓜」級別，出色的程度令Yoshi明知不可能也忍不住問：「點算呀？可唔可以換partner呀？」

來到成都，Yoshi和Anton第一時間到錦江河附近嘆返杯。正當以為他們會摸住酒杯底談心時，他們卻竟然是摸住茶杯底採耳。原來成都非常盛行採耳，採耳師傅只要拿著採耳三寶：採耳燈、音叉和毛掃，就可以隨時隨地開工。採耳師傅手藝之高，令Anton邊採耳邊發出舒服的叫聲，大叫「好爽」之餘，更直言達到傳說中的「顱內高潮」，還聲稱：「即刻全身都軟晒！」Yoshi在旁看著禁不住問師傅可否教她採耳，Anton聽見立即向師傅說：「不要！不要！」還跟Yoshi說：「我同你唔係好熟㗎咋！我好care我對耳㗎！」最後Anton豁出去，大膽地奉獻耳朵給Yoshi一試採耳滋味。無論被採耳的Anton和負責採耳的Yoshi也大感緊張，Yoshi更坦言：「我唔想對你負任何責任呀！」

除了街頭採耳，成都另一夜遊好去處就是火鍋電影院。睇戲當然要先買戲飛，Anton大秀「煲冬瓜」，一句「量架《哥嘶啦搭剪根gone》」(兩個《哥斯拉大戰金剛》)，Yoshi禁不住掩嘴偷笑，還叫他：「唔好再講喇，冇人應你呀！」不過Anton卻厚面皮地說：「佢完全明我喎！」再一次證明「只要你唔尷尬，尷尬嘅就係人哋」是對的。至於打住邊爐睇戲，Yoshi和Anton大開眼界之餘，亦得出小小心得。Anton表示因為邊食邊睇戲容易分心，所以笑稱：「大家可以過嚟睇一啲已經睇過嘅戲。」不過對於這個建議，就連自己和Yoshi也覺得好笑。