【天竺鼠車車】日本超萌3分鐘動畫火速爆紅 真係由天竺鼠配音

·2 分鐘文章
【天竺鼠車車】超萌3分鐘動畫火速爆紅 真係由天竺鼠配音
【天竺鼠車車】超萌3分鐘動畫火速爆紅 真係由天竺鼠配音

《鬼滅之刃》過後,日本最hit嘅動畫作品,竟然係星期二朝早喺兒童節目播放嘅3分鐘短片《天竺鼠車車》(PUI PUI モルカー)!

嚴格嚟講,《天竺鼠車車》唔算係動畫,因為短片係以連續定格拍攝以羊毛絨製作嘅公仔,唔係畫出嚟,但係充滿卡通感覺。《天》一星期播一集,故事背景係一個天竺鼠化身成代步車嘅世界,有天竺鼠救護車、警車,而揸車嘅係人類,但係架「車」有天竺鼠特色,鍾意食嘢而且善良可愛。

【天竺鼠車車】超萌3分鐘動畫火速爆紅 真係由天竺鼠配音
【天竺鼠車車】主角之一朱古力(チョコ),夢想系成為世界第一高級車車。
【天竺鼠車車】超萌3分鐘動畫火速爆紅 真係由天竺鼠配音
【天竺鼠車車】馬鈴薯(ポテト),第一集主角。性格愛悠閒,鍾意食紅蘿蔔,有時會唔理司機指示。
【天竺鼠車車】超萌3分鐘動畫火速爆紅 真係由天竺鼠配音
【天竺鼠車車】泰迪,為食,行為有趣而且性格勇敢。
【天竺鼠車車】超萌3分鐘動畫火速爆紅 真係由天竺鼠配音
【天竺鼠車車】Abi (アビー),P牌天竺鼠車車,唔擅長同貓貓打交道。
【天竺鼠車車】超萌3分鐘動畫火速爆紅 真係由天竺鼠配音
【天竺鼠車車】Shimoro(シロモ),第2集主角,細膽但又成日遇上麻煩,鍾意食生菜。

而每集故事創意十足兼充滿童趣,第一集講塞車,成班天竺鼠車車爬上同類車頂開路;第二集嘅主角被銀行劫匪搶走成為賊車,仲被帶上賊仔眼罩,好可愛!

【天竺鼠車車】超萌3分鐘動畫火速爆紅 真係由天竺鼠配音
【天竺鼠車車】超萌3分鐘動畫火速爆紅 真係由天竺鼠配音
【天竺鼠車車】超萌3分鐘動畫火速爆紅 真係由天竺鼠配音
【天竺鼠車車】超萌3分鐘動畫火速爆紅 真係由天竺鼠配音

雖然今個禮拜只係播到第3集,但係已經紅到嚟香港,有網友大讚夠治癒,仲話一集太短,所以翻睇咗幾十次。甚至有人話「細路先睇《鬼滅》,大人睇《天竺鼠車車》」!

【天竺鼠車車】超萌3分鐘動畫火速爆紅 真係由天竺鼠配音
【天竺鼠車車】超萌3分鐘動畫火速爆紅 真係由天竺鼠配音

《天竺鼠車車》創作人見里朝希今年29歲,本身真係有養天竺鼠,佢仲搵鼠鼠叫聲幫一眾天竺鼠車車配音。畢業於東京藝術大學嘅見里朝希以往作品風格冇咁kawaii,不過都係用定格拍攝製作嘅動畫作品。今季《天竺鼠車車》會有12集,反應咁好睇怕會有第2季,仲應該會有大量周邊產品等買!

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!