太邪?《雙面伊人》深夜重播被抽起 TVB改播《法網伊人》

<a class="link " href="https://hk.news.yahoo.com/tag/雙面伊人" data-i13n="sec:content-canvas;subsec:anchor_text;elm:context_link" data-ylk="slk:雙面伊人;sec:content-canvas;subsec:anchor_text;elm:context_link;itc:0">雙面伊人</a>

早前TVB安排喺深夜重播時段,播放1999年推出、鄭伊健主演劇集《雙面伊人》。不過宣布之後,巧合地都因為有藝人逝世,令TVB3次變陣改播佢地嘅作品以向逝者致敬,唔少網民因此留言話《雙面伊人》好邪。今日check過TVB節目時間表,發覺下星期三接替《律政強人》嘅,會係李克勤、郭可盈主演嘅《法網伊人》,《雙面伊人》似乎重播無期。

《雙面伊人》本來係接住今年新年播完嘅《女人俱樂部》,但播出前遇著李香琴逝世,TVB改播琴姐有份嘅《溏心風暴之家好月圓》。去到2月底都有宣傳片預告《雙面伊人》緊接楊千嬅同周柏豪嘅《多功能老婆》出街,但喺播出前一日因為吳孟達病逝,TVB再抽起《雙》而播放《他來自江湖》。到3月底廖啟智逝世,TVB再三抽起《雙》,改播智叔主演嘅《律政強人》。連埋今次,3個月內《雙面伊人》改期3次!

而家深夜播緊《律政強人》,俾觀眾懷緬智叔精湛演技
而家深夜播緊《律政強人》,俾觀眾懷緬智叔精湛演技

《雙面伊人》自1999年首播以來只係重播過一次,本身劇集卡士陣容唔弱,有鄭伊健帶埋謝天華同林曉峰2個「古惑仔」兄弟,而女主角就係當時狀態回勇嘅袁潔瑩,佢仲要一人分飾2角。而《雙》首播嘅時候都可以話係「腳頭唔好」,遇著2間電視台收視大戰,TVB為咗迎戰亞視嘅《少年英雄方世玉》以及《今日睇真D》,一個月內調整黃金時段節目編排3次,本來係7點半檔嘅《雙》播完頭2集就調咗去9點3時段,再下一個禮拜又返去7點半播直至劇終。

《法網伊人》
《法網伊人》

相反《法網伊人》喺2002年首播時反應極好,劇集陣容雖然唔算強勁,但係觀眾非常受落,當年喺2月「炮灰檔」出街亦無礙收視,以平均33點、最高42點成為當年第一,贏晒重頭劇《烈火雄心II》同《流金歲月》,李克勤同郭可盈仲憑呢套劇拎埋台慶頒獎禮「我最喜愛的電視角色」。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!