失竊畢卡索名畫被找回 但竟然唔小心跌落地?!
世界上有唔少名畫被竊,可能經過幾十年仍然未能找回,不過近日有好消息,於2012年時被盗嘅畢卡索名畫《女人的頭》(Head Of A Woman),被警方於森林深處一道溝渠中找回!
《女人的頭》於2012年於希臘展出時,2名竊賊只係用咗短短7分鐘就將畫作從畫框中偷走,警方一直憑線索想去起回畫作,經過近10年努力直至近日成功拘捕其中一位犯人,該男子一直生活於希臘及英國兩地,及後成功從佢口中得知畫作埋藏地點,並於森林中搵回畫作。
不過事件仍有小插曲,就係希臘文化部召開記者會並交待案情時,攞放於記者會上嘅畫作竟然向後滑動並跌落地面,引起現場人士一片譁然,當時場上官員仲一時不知所措直接用手接觸並扶起畫作,場面可以話非常尷尬。及後希臘文化部長都有出聲話記者會發生嘅意外「並唔理想」,不過堅稱畫作狀態良好喎。
按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!
相關文章: