女友余思霆終返港 朱敏瀚攞正牌咀前度蔣家旻

藝人蔣家旻與舊愛朱敏瀚於新劇飾演情侶兼有咀戲，齊聲指不會尷尬，朱敏瀚更表示一早向女友余思霆備案，對方亦毫不介意，盡顯大方。

譚俊彥（Shaun）、蔣家旻、劉佩玥、朱敏瀚（Brian）及陳庭欣等昨日出席無綫台慶劇《換命真相》宣傳，飾演兄妹的Shaun與家旻透露劇情將進入大反轉，家旻更會與舊愛朱敏瀚有親熱戲，二人不避嫌重提舊情，惟「阿哥」Shaun卻對他們曾經是戀人表示不知情。

家旻指劇中有多場喊戲，多得朱敏瀚不時提點：「佢用觀眾嘅角度去諗，話如果每一場都出盡全力喊，會令觀眾覺得好煩，反而有啲位眼濕濕更加好。」談到二人再見亦是朋友，家旻表示拍攝時更有默契，不會太多避忌但私下甚少聯絡，又指他們今次相隔多年再合作，但去年齊於頒獎禮獲獎，認為雙方演藝路上經歷也很相似。

譚俊彥搵真銀幫補學費

朱敏瀚表示曾與家旻拍拖近2年，雖然已分手，但今次於劇中拍親熱戲沒有尷尬，現任女友余思霆也知情，絕不會呷醋：「佢都係演員，最近佢返咗香港，依家隔離緊，之後會去接佢。其實都成1年幾冇見，今次佢返港主要換工作簽證，之後要返台灣，所以會珍惜拍拖時間，好在呢排唔係太忙。」至於Shaun笑指在「魷魚」效應下造就搵真銀機會：「即將有廣告拍，到時會喺一間連鎖店不停播，希望盡量搵吓仔女嘅學費！」

另外，上周《換》劇錄得19點收視，較前周微跌0.2點，而另一台慶劇《星空下的仁醫》則收19.4點，較前周上升0.5點。