雅虎香港新聞 
女友林子萱頸腫怪病纏身 谷德昭不離不棄陪醫病
身為鬼才編劇導演兼演員，53歲谷德昭絕對算係圈中少有的癡心情長劍，身邊女友16年來都只得一個：唱 過歌拍過戲家陣轉行教瑜伽的林子萱（KiKi）。 經歷過母親和姪仔先後自 殺的人生低谷，谷德昭都有女友陪伴身 邊度過難關，淡出幕前多年，近年林子萱頸部和身體離奇腫脹、全身布滿紅印，情緒深受困擾，輪到谷德昭不離不棄照顧番女友，日前更雙雙去到大浪灣曬日光補充維他命D。
撰文：東方新地 圖片：新傳媒圖片、FB
林子萱頸腫怪病纏身 谷德昭不離不棄陪醫病
99年出道有份做《 Y2K前的暑假》又被歌神許冠傑揀中出演舞台劇《仲夏夜狂想曲》，𡃁模始祖林子萱甫出道已經同谷德昭傳緋聞，不過二人一直口徑一致否認戀情。直至06年谷德昭經歷巨變，戀情才慢慢浮出水面。拍拖至今16年、互相扶持經過高山低谷，又有協議不婚不生，沒有一紙婚書和兒女牽絆，反而自由自在細水長流，感情更穩固相處更似老夫老妻。
一出道已經同大導演傳緋聞，林子萱同谷德昭眨吓眼拍拖16年，依然不論低潮疾病互相扶持。
現時38歲林子萱近日被荷爾蒙影 響身體出現各種症狀，頸部腫脹、體重增加、腰間更有大面積疑似濕疹印。
信偏方乾煎兩粒鐘 近年淡出幕前轉行教瑜伽，熱愛運動理應身型標準的林子萱近日身形略為走樣，日前與谷德昭齊齊現身大浪灣曬日光，頸部離奇腫脹、腰間肥腫難分、更出現大 面積紅疹印記，據知情人士透露，KiKi近日因為荷爾蒙失調情緒又受影響，身體因此 出現各種症狀：「體重增加、無喇喇又有大片大片濕疹，KiKi其實都食藥睇醫生搞咗 好耐，又keep住做test擔心會有其他事。身邊好多朋友有好多心得偏方教佢，同埋知 道情緒唔好影響身體健康，所以KiKi最近少咗開工、好彩肥谷都將工作放埋一邊，盡 量陪住佢搞好個身子先！」對部分體質人士，曬太陽吸收維他命D都係一個方法殺菌和增強免疫力，唔止男友陪乾煎，林子萱再讀埋本冥想書籍鍛鍊埋心智，雙管齊下咁至係改善體質應有正面態度！
谷德昭在沙灘凳上小睡，林子萱就自備冥想書籍從鍛鍊 心智著手改善體質。
身為瑜伽教練、身形一直標準，可是深受荷爾蒙失調困擾，林子萱腰間明顯嚴重水腫。
相處16年默契一流，二人從下午三時曬到五 點多太陽將近落山，才夾手夾腳收拾細軟沖 身返歸。
自言近月出鏡不介意頸部症狀，不過始 終愛漂亮，日前林子萱在 IG 出 po 宣揚正 能量抗病和感激身邊親友相助，亦刻意 紮起孖辮遮頸。
林子萱曾經在訪問中表示同谷德昭一樣崇尚自由又享受 目前狀況，所以無意組織家庭，事實上二人形影不離經 常結伴旅行又睇演唱會，感情更勝老夫老妻。
大學於澳洲雪梨修讀心理學，未畢業林 子萱已經回港開始做模特兒，份屬第一代港產𡃁模。
06年唱過歌同衛詩、泳兒份屬同年 樂壇新人，不過林子萱出碟不 成，更為人熟悉係其谷德昭緋聞女友身份。
一年之間，谷德昭母親和姪兒自殺去世，陪伴度過難關的林子萱 女友身份浮面，同時亦淡出幕前 轉行做瑜伽教練。
延伸閱讀：
