女神封盤 朱千雪 開腔認定醫生男友

TVB一班處女黨李亞男、鍾嘉欣、王君馨紛紛嫁人,最近就連女神 朱千雪 亦被踢爆名花有主,有個在澳洲讀醫的男友Justin Ng,一直只表示同男方了解中的她,就向本行獨家開腔,確認醫生男友地位:「我會結婚嘅!」 朱千雪 更大讚男友:「佢係好男仔嚟!」女神宣布封盤,今次班宅男真係喊出嚟啦!


朱千雪 醫生男友門當戶對

12年港姐季軍 朱千雪 ,有樣有家底兼有學歷,身邊不乏追求者,不過,近日千雪BB就被爆有個在澳洲讀醫的男友Justin Ng,男方同樣家底豐厚,父親是老牌茶莊「祺棧茶行」老闆,五年前更在香格里拉集團做執行董事,同千雪BB屋企人係世交,可謂門當戶對!據知千雪BB同Justin識咗好耐,佢不時會趁放假飛去澳洲探 醫生男友 ,同男友屋企人一樣好friend,吳父都認定咗千雪BB係新抱仔,成日想個仔可以快啲娶女神入門!

朱千雪同男友Justin(後排左一)家人一樣friend!千雪BB更在facebook追蹤吳父(左一)及Justin細佬 !
朱千雪同男友Justin(後排左一)家人一樣friend!千雪BB更在facebook追蹤吳父(左一)及Justin細佬 !

朱千雪 近日為美容院擔任代言人,日前就專登去做脫毛扮靚靚,蜜運中的千雪BB,唔知係咪因為心情靚食多咗,近日就心曠體胖,連塊面都圓碌碌。雖然有家底,但千雪BB生活好平實,去完美容院脫毛,就去超市買飲品!

千雪BB完全冇公主病,做完嘢就自己去還衫!
千雪BB完全冇公主病,做完嘢就自己去還衫!

 

朱千雪近日為美容院擔任代言人,日前就專登去做脫毛扮靚靚!
朱千雪近日為美容院擔任代言人,日前就專登去做脫毛扮靚靚!

 

從背後睇,千雪BB真係多咗幸福肥!
從背後睇,千雪BB真係多咗幸福肥!

大方談 醫生男友  朱千雪:我會結婚!

朱千雪 接受本刊記者訪問,被問到有冇拍拖,佢話感情事就順其自然,但依家時間唔夠,見面同拍拖都要就時間。提到佢有個醫生男友Justin Ng,千雪BB甜笑承認:「開名呀! Justin係好男仔嚟嘅!(做醫生?)係!佢好忙!我都好忙!順其自然啦!(合唔合你杯茶?)合拍嘅!(有冇見家長?)我哋識咗好多年,係family friend嚟!見佢屋企人仲多過見佢!識咗好多好多年,所以先會熟嘅!(幾時會結婚呀?)我會結婚嘅!但唔會諗幾時囉!」首度開腔確認 醫生男友 地位!

千雪BB仍然揸緊入行前的Benz出入,慳家又長情!
千雪BB仍然揸緊入行前的Benz出入,慳家又長情!

 

唔恨做一姐

相對讀醫科男友, 千雪BB 學歷絕不輸蝕,早年在加拿大留學畢業於菲沙大學商業和傳理系,返香港再在中文大學完成企業傳播社會科學系的碩士課程,但千雪BB仍好學不倦,更選擇放棄被力捧向無缐請長假讀書。

千雪BB學歷高,文學修養仲好好,佢係八級鋼琴高手,才氣好本來就大把機會,喺TVB好多人錫佢,但佢唔係咁追求名利,反而好享受校園生活。
千雪BB學歷高,文學修養仲好好,佢係八級鋼琴高手,才氣好本來就大把機會,喺TVB好多人錫佢,但佢唔係咁追求名利,反而好享受校園生活。

 

 


近日熱播的《踩過界》,結局篇已播到高潮位,千雪BB飾演的王浩信前度,更會被劇中父親槍殺,搞到「盲俠」傷心爆哭!不過劇集播完,千雪BB亦會回歸校園。襯九月開學前,就同放緊暑假的男友Justin一齊飛到新加坡玩。不過,女神將戀情低調處理,在IG唔放男友相,反而放同兩個小朋友合照。

同王浩信繼《EU超時空任務》,在《踩過界》再度扮情侶。
同王浩信繼《EU超時空任務》,在《踩過界》再度扮情侶。

 

《踩過界》進入高潮,飾演王浩信前度的之前朱千雪,會比父親單立文錯手槍殺,令盲俠傷心崩潰痛哭!
《踩過界》進入高潮,飾演王浩信前度的之前朱千雪,會比父親單立文錯手槍殺,令盲俠傷心崩潰痛哭!

 

去到新加坡,朱千雪在lG唔放男友相,反而放咗同小朋友合照, 連好姊妹岑杏賢都忍唔住問句,該小朋友是誰?
去到新加坡,朱千雪在lG唔放男友相,反而放咗同小朋友合照, 連好姊妹岑杏賢都忍唔住問句,該小朋友是誰?

 

手持兩層樓

條件超晒班的千雪BB當然唔憂嫁,讀Law一年期間,就有唔少男同學埋身,但千雪BB就一條心,同醫生男友Justin秘密拍拖已經五年,令一班兵仔無功而回。唔肯做無線一姐,千雪BB其實一早大把喺手, 19歲時,從商的父親已經送了兩層合共價值2千萬的藍灣半島和愉景灣單位給她,絕對係女筍盤,睇嚟醫生男友都要睇實啲先得!

 

 

一班讀Law男同學,不時喺BB身邊氹氹轉。
一班讀Law男同學,不時喺BB身邊氹氹轉。

 

全文完

延伸閱讀:

方媛 擇日開刀 郭富城 撲返港陪產

經典vs經典 偽AJ1的NIKE SB ZOOM DUNK HIGH ELITE

《打工捱世界Ⅱ》定情 張寶兒 袁偉豪秘密撻着