「好嘢要籌備耐啲」 黎耀祥鄧萃雯有望年底鬥戲

·2 分鐘文章
黎耀祥早前於內地賺人仔,開心過肥年。
黎耀祥早前於內地賺人仔,開心過肥年。

視帝黎耀祥北上工作10個月後回巢拍無綫劇,早前經常與鄧萃雯上內地綜藝節目的他,希望與女方主演的《巾幗梟雄4》年底開工:「好嘢梗係要籌備得耐啲!」

黎耀祥、龔慈恩、蔣祖曼及鄭俊弘等,昨日在將軍澳電視城為新劇《輕.功》試造型,有份演出的朱晨麗因拍廣告而缺席。去年一直在內地工作的黎耀祥,專程回港拍劇及過農曆新年:「一路都有工作喺上面,要隔離所以冇返落嚟。(喺內地做咗好多綜藝節目?)係呀,因為『大灣仔』嗰班做得幾好,綜藝節目就想搵啲大灣區演員,咁啱我同鄧萃雯都喺內地,一齊做咗3、4個綜藝節目。(幾時同雯女拍《巾幗梟雄4》?)籌備緊,好嘅嘢梗係要籌備耐啲,希望年底拍,都隔咗10年,好難得有一個拍檔可以咁夾。(開工前搵陶大宇敍舊?)大宇哥好好嘅,希望同佢可以喺TVB拍劇,大家好耐冇合作。」

鄭俊弘唱歌:BB冇反應

而鄭俊弘與太太何雁詩最近宣布有喜,準備當爸爸的他表示看着太太的肚皮愈來愈大,心情緊張又興奮:「BB喺肚裏面動作愈嚟愈多,佢聽到莫扎特音樂反應最大,好似打觔斗,但BB聽到我哋嘅歌就冇乜反應。」又指太太預產期為6月,剛好拍完劇集陪太太。至於蔣祖曼透露首次拍攝輕鬆小品,與鄭俊弘有感情線,又指跟視帝黎耀祥合作,有一定壓力。

蔣祖曼與鄭俊弘有感情戲。
蔣祖曼與鄭俊弘有感情戲。
鄭俊弘
鄭俊弘



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能