姚嘉妮婚後以家庭為重 《愛美麗狂想曲》演索前妻吸睛程度爆燈

無綫劇集《愛美麗狂想曲》正在熱播中，劇集雖然有唔少輕鬆搞笑位，不過都唔及靚女演員吸引，除了女主角李佳芯（Ali）之外，仲有陳瀅（Jeannie）、譚凱琪（Zoie）、姚嘉妮、余思霆、林凱恩及劉溫馨等等，個個都係女神級數，難怪備受網民們追捧啦！劇情早兩日講到酒店要同天睿終止合約，Matt少（陳豪飾）前往澳門遊說酒店新總裁，點知個總裁就係佢前妻沈慧（姚嘉妮飾）。之後，佢哋喺餐廳相遇，期間仲飲酒同大談往事。離開後，飲醉嘅沈慧仲挨喺Matt少膊頭。唔少網民睇完呢集後都大讚佢女人味十足、外表凍齡同身型窈窕，仲話佢真係好搶鏡。

42歲嘅姚嘉妮係98年亞姐季軍，有身材個樣又有氣質。2001年由亞視轉頭無綫，佢仲參與咗唔少劇集拍攝，不過都係以配角為主，未有機會擔正做女一，例如《公私戀事多》、《棟篤神探》及《天幕下的戀人》等等。姚嘉妮與林祖輝拍拖七年，於2006年拉埋天窗，並分別喺09年及11年誕下一女一仔，一家四口幸福美滿。佢因為要照顧小朋友同與丈夫合力經營童裝生意，而減少幕前工作，不過仍憑《BB來了》過氣MK妹陪月員許朗及《她她她的少女時代》失婚中女Janice令人印象深刻。雖然佢因兩劇人氣急升，不過佢曾經接受傳媒訪問時講過可能之前去生BB嘅關係，影響到監製覺得佢好似唔使做，不過佢唔會強求，因為佢只係鐘意演戲，佢唔係要大紅大紫，唔好俾佢紅，因為佢會好驚。除咗拍劇之外，佢仲有為節目《流行都市》擔任主持，佢經常以短裙示人，大騷42吋長腿，令到一班網民爭住睇同瘋狂cap圖，紛紛大讚佢外形窈窕亮麗，同埋長腿非常吸睛。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！