姚子羚追到溶妝 急救靚樣

東方日報
·2 分鐘文章
姚子羚跑到氣咳,在終點捉住胡諾言抖大氣。
姚子羚跑到氣咳,在終點捉住胡諾言抖大氣。

陳山聰與姚子羚昨日為劇集宣傳進行跑步比賽,子羚跑到上氣唔接下氣兼溶妝,要急急去補妝,被取笑需要人工呼吸!

劇集《大步走》演員陳山聰、姚子羚、劉穎鏇、胡諾言及趙希洛等,昨日出席「跑友大步走.終極戰」活動,齊齊圍繞將軍澳電視城跑步。山聰在演員中跑第1,而排19的子羚跑到上氣唔接下氣,妝都溶埋,賽後一支箭衝去補妝,被山聰取笑去接受人工呼吸!她笑說:「佢黐線㗎!跑得好快,初頭跟住佢哋節奏,錯咗呼吸,跑到索晒氣。(練吓跑步?)唔會,我唔同佢哋,平時慢慢跑,唔會辛苦自己。佢哋跑步變咗生活,我就只係放鬆吓。」

穿上跑步背心的山聰,身形明顯大隻不少,他說:「今個夏天想挑戰自己,操大隻啲,1日6餐,目標增十幾磅,依家仲未收身所以肥肥哋,畀兩個月時間我。」

劉穎鏇瘦身唔瘦胸

而劉穎鏇透露拍畢劇集後已沒有跑步,今次特地再練跑,她笑說:「跑到中段有少少腳震,但都要捱埋去。」愈來愈瘦的她表示會多運動做Gym,操Fit身形,希望練出人魚線和蜜桃臀,令線條更好看。問可擔心減肥令上圍縮水?她說:「唔會,會適量去減。」另外,談及新劇《青春不要臉》在郊外取景後遺下垃圾,她承認做得不對,團隊會一齊負責任,日後會檢查清楚才離開。

練開跑的陳山聰游刃有餘。
練開跑的陳山聰游刃有餘。
劉穎鏇特地「加操」。
劉穎鏇特地「加操」。