姜濤母校搵自卑起點:我真係跌得好低

·2 分鐘文章
姜濤返母校探師生,感受良多。
姜濤返母校探師生,感受良多。

人氣王姜濤過去曾是一名肥仔,他坦言經歷過自卑的時候,幸最終找到出口,明白到人生的意義,令自己變堅強,因而成就了今日的萬人迷姜濤。

男團MIRROR的人氣王姜濤最近在一段紀錄片中揭示自卑的過去。近年一出街便被粉絲「私追」的他,今次終於可以嘗試在沒有被騷擾的情況下行商場購物,全黑造型包到冚,與幾位工作人員結伴搭港鐵、電車,令他忍不住開心大嗌:「行商場喎,幾咁奢侈嘅事呀!」

游水堂唔敢除衫

之後,他重返母校探老師,又去到第一次表演的學校禮堂,重溫當年表演時的青澀舊照,他感觸表示:「呢間學校係帶畀我最嚴重自卑嘅地方,我所有嘅自卑、所有唔自信,都係來自呢間學校,大個先愈嚟愈變得懂事。」他自爆求學時期因體胖,每次上游水堂均不敢脫衣,即使每日跑步,望着其他同學都會覺得好自卑:「可能人哋睇我係好高峰嘅位置,但其實我真係跌得好低……所以千祈唔好太容易定義一個人,冇人定義到。」

姜濤坦言推出新歌《鏡中鏡》是想反擊其他人,但事後感到沒有意義,最終還是需要找方法令自己堅強:「好多道理大家都知,但真正做到,要經歷好長嘅時間,起碼我搵到方向,知道邊條係啱嘅路,拍完呢個紀錄片,出完呢隻歌,都會有唔開心嘅時候,但起碼我知道有方法。」

姜濤難忘昔日在學校禮堂表演的時光。
姜濤難忘昔日在學校禮堂表演的時光。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能