姜麗文苦等2年終於嫁得出 郊區行禮Bra Top代替婚紗

姜麗文苦等2年終於嫁得出 郊區行禮Bra Top代替婚紗

藝人姜麗文(Lesley)與圈外男友柏豪原定於2020年2月2日舉行婚禮,但因疫情令計劃中止,估唔到佢就趁早前去荷里活拍劇時,就同男友乘機結婚行禮,順利嫁人!見二人喺郊區山中影婚照,雖然未有着上正式婚紗、禮服,不過佢哋就約好換上簡潔白恤衫示人,簡單而隆重咁行禮,而Lesley更加解開白恤衫鈕扣,晒出入面嘅白色Bra Top,少晒性感。配合埋近日推出寫畀爸爸、資深藝人秦沛嘅新歌,有晒Planning去公布婚事,真係有心。

今日(3日)Lesley都回覆東網,稱二人喺LA一個山頂上面圓婚,成個婚禮得佢兩個,其他親友都係睇住Zoom咁見證:「好多謝大家咁多年嘅支持同愛!經過兩年幾嘅延期,我哋喺LA一個可以望住成個城市嘅山頂上面,兩個人,同埋我地最愛嘅家人朋友睇住zoom,簡單咁結咗婚啦!我好幸福,我好感恩,我好開心!」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能