娛美人:「浩南」鄭伊琪大想頭 要搵伊健相認

·2 分鐘文章
鄭伊琪視男友為結婚對象。
鄭伊琪視男友為結婚對象。

口罩小姐冠軍「浩南」鄭伊琪透過比賽由兼職模特兒跳上幕前向夢想進發,最希望主持綜藝節目,及跟「男神」古天樂、鄭伊健合作,即使收入銳減亦無阻她追夢之心,獲男友全力支持,難怪她冧爆認定對方為終身伴侶。

鄭伊琪於《最後一屆口罩小姐選舉》勇奪冠軍後加入ViuTV,逐步向主持路進發︰「綜藝、美妝、時裝節目都想做,係女仔都貪靚,參加完比賽更覺得大家要擁抱自己嘅不足,咁先可以進步!」她自嘲大想頭,點名想同影帝古天樂及鄭伊健合作︰「同古天樂係因為相近膚色,係我第一個鍾意深膚色嘅演員,而鄭伊健係因為同我個真名近似,細個成日被問同佢有咩關係,我會答佢係我阿哥!」

在7年兼職模特兒生涯中,鄭伊琪試過連踩幾日狂接Job,收入相當可觀︰「例如做世界盃活動,比賽時間係同香港時間顛倒,就要捱眼瞓去做,呢行好被動,真係多勞多得。」比起現時做ViuTV新人,收入必定少一截,她坦言不太介意︰「一世人流流長,有好多時間搵錢,去到人生另一個階段,想學另一方面嘅嘢令自己進步。」

向男友派定心丸

講到愛情、事業兩順意,她冧樣盡現,大爆從事飲食業的同居男友比她年長「一輪」,經朋友介紹至今拍拖約4年︰「比較鍾意成熟、穩重型。(有結婚打算?)有嘅。」問到她入行後,男友可有失去安全感?她以肯定的語氣說︰「佢咁有自信,一定唔會,亦好相信我,係佢教我安全感係自己畀自己。佢好支持我入行,如果我做錯事,佢會話畀我聽,畀意見我,唔會打擊我。」

Profile

年齡:28歲

身高︰1米72

興趣︰

做運動、食嘢、

煮嘢食、畫畫

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能