孫慧雪外傭風波未搞掂 前工人姐姐將毛巾手套沖落廁所致聖誕夜爆屎渠

孫慧雪
孫慧雪

喺香港,好多家庭都需要請工人姐姐照顧小朋友者老人家,而靚媽孫慧雪(雪雪)亦有聘請姐姐幫手做家務,不過佢之前嗰幾次嘅經歷就相當唔愉快。較早前孫慧雪喺社交網站怒揭姐姐嘅7宗罪,最終令佢忍無可忍,決定解雇呢位姐姐。

不過事件原來未完結,孫慧雪喺社交網站出PO指喺聖誕節當日屋企爆屎渠,而且情況非常嚴重,所以佢搵通渠師傅幫手,不過第一位通渠師傅通通下放棄咗,之後仲唔收錢走。於是佢就搵嚟另一位相熟師傅幫手,結果用咗兩日拆櫃及拆座廁先搞得掂,結果發現原來係前工人姐姐將毛巾同手套沖落廁所,引致渠管瘀塞。

孫慧雪表示呢位姐姐之前成日發佢脾氣,最後佢頂唔順就賠錢俾姐姐走,不過佢估唔到呢位姐姐竟然留低咗堆「蘇州屎」俾佢,仲要喺聖誕節爆發。不過佢亦有佢大家唔使擔心:「大家唔使擔心我,因為我而家已經搵咗位好好好好嘅姐姐,但之前呢位博炒嘅姐姐,喺請佢嘅時候,睇佢嘅履歷,明明係本地完約姐姐,但係我呢位好好姐姐話俾我聽,佢睇到佢入境處份文件,吸咗個紅印,其實佢係斷約姐姐,只係隱瞞左之前嘅履歷,其實我都唔明係點樣做到,不過想叫大家小心啲,同埋有時屋企啲嘢整壞咗,可能真係有原因㗎!」

孫慧雪
孫慧雪
孫慧雪
孫慧雪
孫慧雪
孫慧雪
孫慧雪
孫慧雪
孫慧雪
孫慧雪

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!